VOV4.K’ho - Tàm xã Ea Lê, kơnhoàl Ea Súp, kuang bàng, cau ling tàm anih lơh broă ling klàng kơnhoàl Ea Súp, càr Dak Lak pa pơgồp bal mờ ală mpồl lơh broă bal mờ làng bol lơh gơs broă lơh “Tam klăc ling klàng bal mờ làng bol” tàm hơ\ geh rơbòng dà bal mờ gùng bêtông. Broă lơh do geh lơh gơs, dong kờl bă sre bơh g^t nđờ rơhiang hìu làng bol tàm xã Ea Lê geh dà, pơgồp bal tàm broă tơnguh bơtàu lơh sa mpồl bơtiàn tàm tiah [òn lơgar kơnhoàl tiah nhàr dà lơgar dê.

Tàm trồ tiah tơngai duh bè ồs tiah nhàr dà lơgar, bă sre lơh kòi mờr 150 lồ tàm [òn 2, xã Ea Lê, kơnhoàl Ea Súp gam hòn gơs niam. Tềng gah gùng song tơrbo\ anih tòm xã Ea Lê tus tàm tiah nhàr dà lơgar, ală rơbòng dà geh lơh mờ bê tông gam bềng dà tuh tơl lo\ sre. Mò Khổng Thị Hương, cau tàm mpồl lơh broă sa suơn sre xã Ea Lê pà g^t, bơh ngai geh broă lơh “Tam klăc bal ling klàng mờ làng bol”, tàm hơ\ geh gùng bê tông mờ rơbòng dà geh cau ling dong kờl làng bol lơh tus tu\ do, broă lòt rê, pơn diang phan [uơn ngan, sre bơh g^t nđờ rơhiang hìu neh geh dà tuh, ờ gam ngòt trồ prang bè lài do tai. Mò Khổng Thị Hương yal:

- Tu\ ală bi tus bal den nùs nhơm cau ling bal mờ làng bol geh đềt mềr, ală mpồl bè mpồl cau ùr, ơruh pơnu, làng bol lơh sa suơn sre mờ nùs nhơm bal mờ kơnòl să tòm dê, bal mờ ală bi lơh ală bơnah broă tàm [òn lơgar in. Mờ cau ùr den neh geh ală broă hòi jà, hơ\ sồng lơh phan sa kờ` dong kờl ală bi in sa pah ngai. Gơtùi đơs bè broă do, nùs nhơm niam ờ tu\ lơi geh jơh, nùs nhơm ling klàng bal mờ làng bol đềt mềr mờ tơl^k loh làng cau ling wa Hồ dê.

Ồng Hoàng Ngọc Khánh, Phó kuang atbồ UBND xã Ea Lê pà g^t, mờ rài kis gam uă kal ke, tus tu\ do, xã Ea Lê mìng rơ\p geh 8 tàm 19 khà [òn lơgar pa. tàm ală broă dờng, broă dềt xã dê, bơh broă lơh hìu bơsram, lơh gùng lòt, bơtơ\t rơbòng dà… tus mờ broă lơh ală broă dong kờl làng bol lơh sa, ha là dong kờl làng bol tàm tu\ gơbàn rềs àr, mìu càl dờng, ndrờm geh cau ling tus dong kờl. Bè ờ uă broă lơh “Tam klăc ling klàng mờ làng bol” pa do, cau ling neh pơgồp g^t nđờ rơhiang ngai lơh broă bal mờ làng bol tus lơh:

- Tơngai pa do, ling klàng kơnhoàl Ea Súp kung neh ai tơl bơta kờ` dong kờl làng bol lơh gùng mờ bê tông, mờ tơwès kòi dong kờl làng bol tàm kàl mìu, dà tih dà cò, lơh rơbòng dà di pơgăp 2 kơi sồ… bơh broă lơh bè hơ\, bol a`; làng bol go\ chờ hờp ngan tài ling klàng neh ai tơl bơta dong kờl làng bol bơdìh hơ\ tai, ai tơl bơta niam tam gơl muh măt [òn lơgar geh niam bơne\ rơlao, kơ\p kờ` ală bi dong kờl mờ ai tơl bơta niam [òn lơgar in uă rơlao tai.

Dong kờl priă ha là pơgồp bal ngai lơh broă kờ` lơh gùng lòt tàm [òn, lơh bơtơ\t rơbòng dà mìng là 1 tàm uă broă lơh kờ` dong kờl làng bol tàm broă lam sồr làng bol kuang bàng, cau ling tàm anih lơh broă ling klàng kơnhoàl Ea Súp dê. Thượng tá Nguyễn Trãi, Chính trị viên anih lơh broă ling klàng kơnhoàl Ea Súp, càr Dak Lak đơs tòm, do là broă lơh sùm mờ sùm geh cau ling lơh mờ nùs nhơm geh kơnòl uă ngan:

- Tàm broă lơh jăt kơnòl, bol a` neh ai, broă lơh bal bơh ling klàng mờ làng bol là 1 broă lơh đềt mềr bal, tài ling klàng kung bơh làng bol dê. Den tàng cau ling tu\ dờp kơnòl là lam lài mờ tus lơh `hăp `har, tu\ dong kờl làng bol den jơh nùs, ai broă dong kờl làng bol là ală broă lơh lơi gơtùi lơh…

Ală broă lơh niam, ală broă lơh chài, mùl màl tàm broă lam sồr làng bol, dong kờl làng bol bơh kuang bàng, cau ling tàm anih lơh broă ling klàng kơnhoàl Ea Súp bal mờ ală broă lơh ngan bơh ală mpồl lơh broă, bal mờ làng bol tàm xã Ea Lê, kơnhoàl Ea Súp sơlơ lơh niam bơne\ rơlao tai nùs nhơm tam klăc đềt mềr bal bơh ling klàng bal mờ làng bol dê.

Cau cih mờ yal tơng^t Ndong Brawl