VOV4.K’ho - Pơn jăt tai dơ\ tus pơrjum dờng châu Á mờ cau Phi 2015 tàm lơgar Indonesia, ồng Trương Tấn Sang, kuang atbồ lơgar neh tus bal ală dơ\ pơrjum bal dơ\ 4 mờ dơ\ 5 tàm pơrjum do dê. Tềng bơdìh pơrjum, ồng Trương Tấn Sang neh geh dơ\ tìp mờ cri bơyai mờ ồng Hassan Rouhani, kuang atbồ lơgar Iran, ồng Kim Yêng Nam, kuang atbồ Gơnoar ala măt dà lơgar Triều Tiên mờ wă ồng Oldemiro Baloi, kuang atbồ gah cri bơyai broa\ lơh bal mờ lơgar ndai lơgar Modambich. Tàm dơ\ cri bơyai mờ ồng Hassan Rouhani ồng Trương Tấn Sang đơs tòm, lơgar Việt Nam sền kuơ broă tơnguh bơtàu broă lơh bal uă bơta mờ lơgar Iran, tơl^k nùs nhơm chờ hờp tềng đăp mờ ală tơnguh bơtàu pa do lơgar Iran dê kung bè tềng đăp mờ ală cồng nha niam bơh dar cri bơyai mờ mpồl 5 lơgar mờ 1, đơs niam gơnoar atbồ ờ pơgồp bal lơgar Iran dê tơngai bơh nam 2012 tus 2015. Ồng Trương Tấn Sang mờ ồng Hassan Rouhani ring bal đơs là, broă lơh sa bal ờ hềt di pal mờ broă lơh bal gùng dră bal, 2 gah pal jòi ală broă lơh kờ` chồl pràn khà kă bro, ai tơl bơta niam, bơta [uơn ai anih lơh sa kă bro 2 lơgar in jòi geh dơ\ lơh sa.

Tàm dơ\ tìp mờ ồng Kim Yêng Nam, kuang atbồ anih duh broă  gơnuar ala măt dà lơgar Triều Tiên, ồng Trương Tấn Sang, kuang atbồ lơgar đơs niam broă 2 gah gam pơgồp bal bơyai lơh uă broă lơh geh kuơ kờ` tơng kah 65 nam ngai crơng gơs git gơp lơh broă bal (31/1/1950 – 31/1/2015), tàm hơ\ geh cri bơyai mpồl kuang bàng dờng màng, bơh hơ\ pơgồp bơnah sơlơ tơnguh git wă mờ lơh bơyô ờs mờng đah làng bol 2 lơgar. 2 nă ồng kung neh ring bal 2 lơgar geh pơn jat tai cri bơyai, tìp mat mờ pơgồp bal tàm ală dơ\ cri bơyai broă lơgar, ngan là srơh ờ tam klăc. Ồng Trương Tấn Sang đơs tờm, lơgar Việt Nam sùm kờ` 1 bồt Triều Tiên ngap lơngai, kơl jăp, ờ geh hạt nhân, dong kờl cri bơyai bal, tam klăc, ngăp lơngai ring bal lơgar Triều Tiên mờ Hàn Quốc.

Wă ồng Oldemiro Baloi, kuang atbồ gah cri bơyai broă mờ lơgar ndai lơgar Môdămbich, ồng Trương Tấn Sang sồr 2 lơgar pơn jăt tai pơgồp bal nền nòn, dong kờl bal tàm ală dơ\ cri bơyai dunia. Lơgar Việt Nam tu\ lơi kung kờ` tam pà mờng chài bơtàu tơnguh lơh sa mpồl bơtiàn, sồr Môdămbich pơnjat tai dong kờl mpồl lơh sa kă bro lơgar Việt Nam geh lơh broă buơn buài tài bơta kuơ bơh jơh 2 lơgar dê.

 Cau mblàng Ndong Brawl mờ K’ Duẩn