VOV4.K’ho - Tài bơta pơn rơ lơh broă bơh công nhân kau su dê tàm nhai còr bơsơt là tàm trồ mang, den tàng broă ròng siam, sền gròi oh kòn, ngan là ală sau tàm sơnam ơdu\ bơh sơn rờp gơtìp uă ngan kal ke. Kờ` bơsong bơta do, git nđờ jơt nam do, Binh đoàn 15 neh mut lơh mờ bơcri bơtàu tơnguh ròt hìu bơsram ơdu\ bơh sơnrờp tàm gùt Binh đoàn. Bơh uă nam lơh broă, ală hìu bơsram ơdu\ bơh sơnrờp Binh đoàn dê neh ai geh bơta pin dờn ờ mìng tus mờ kuang bàng, cau lơh broă mpồl lơh sa kă bro dê, mờ gam tus mờ làng bol tàm [òn lơgar:

Gam tàm nhai còr bơsơt kau su, den tàng bơh 5 jiơ drim, ùr pơgru Đinh Thị Quy mờ git nđờ jơt nă ùr pơgru ndai tàm hìu bơsram ơdu\ bơh sơnrờp 18-4, Binh đoàn 15 tus ơdu\ bơsram bơh 5 jiơ drim nàng dờp kơnòm bơsram, kờ` mè bèp kơnòm bơsram iang nùs lòt lơh broă. Ùr pơgru Quy pà git, bơto ơdu\ bơh sơnrờp là broă lơh kal ke, bòl glar, mơya lơh broă tàm mpồl ling lơh sa bè Binh đoàn 15 den bơta kal ke sơlơ gơguh uă rlau 2 dơ\. Tài tu\ jiơ tus ơdu\ bơsram bơh cau pơgru dê ờ di là tu\ jiơ lơh broă bè ờs, mờ geh kờp jat tu\ jiơ lơh broă bơh công nhân dê. Den tàng, ală ùr pơgru tàm do pal rơndap broă hìu nhă, mơkung pal kờ` gơboh, sền gròi ală sau bè kòn tờm he dê den hơ\sồng gơtùi lơh broă jo\ jòng. Ùr pơgru Đinh Thị Quy đơs: “ Tài jơnau kờ` mờng chài lơh broă bơh mpồl dê, den tàng mè bèp khi lòt lơh broă bơh 2 jiơ mang. Mơya sùm den tàm ală hìu ròng kơ nòm dềt, ală ùr pơgru pal rơndap tu\ jiơ bơh 5 jiơ drim tus 6 jiơ mho. 5 jiơ drim, ală pơgru pal tus nàng tam pà tu\ jiơ sền gròi, rò ală sau bơh 5 jiơ drim, jơh dùl ngai ơm tàm ơdu\ tus 6, 7 jiơ mang.”

Ùr pơgru Đặng Thị Lan, kuang atbồ hìu bơsram ơdu\ bơh sơnrờp 18-4 pà git, tu\ do, hìu bơsram geh 18 sơne\, kờp jơh geh 136 nă cau pơgru dờp kơnòl ròng siam, sền gròi rlau 1 rbô 200 nă kơnòm bơsram ơdu\ bơh sơnrờp bơh 3 tus 5 sơnam. Jơh ală kơnòm bơsram bơh hìu bơsram dê ndrờm là oh kòn bơh kuang bàng, cau lơh broă tàm mpồl lơh sa kă bro. Kờ` gàr bơta bơsram niam ngan rlau jơh ai oh kòn công nhân in, pa do, mpồl lơh sa kă bro neh bơcri git nđờ tơmàn priă nàng lơh hìu bơsram tơl niam, mơkung dong kờl priă sa, priă blơi phan ngui, phan nhơl nàng kơnòm bơsram in geh tơl bơta dờng pràn niam ngan rlau jơh. Ùr pơgru Đặng Thị Lan đơs: “ 100% ală sau geh sa ơm ngai tàm hìu bơsram. Ală sơne\ hìu bơsram gal ngan rlau jơh den geh bơh 4 tus 5 nă ùr ròng siam. Mpồl lơh sa kă bro neh bơcri bơt bơtàu phan bơne, lơh hìu [ềp, den tàng ală ùr pơgru kung mut lơh tơn broă lơh bè tru\ phan sa ală sau in, hìu bơsram tru\ phan sa jat tơl nhai, jat tơl poh, jat kàl tai, den tàng gàr tơl phan sa ală sau in.”

Kờ` gàr niam ngan rlau jơh cồng nha bơto bơsram, jơh 136 nă cau pơgru tàm hìu bơsram ndrờm neh jơh bơsram trung cấp, sơ cấp ơdu\ bơh sơn rờp. Pah nam, bơdìh mờ broă geh bơto pơlam jat rơndap broă bơto bơsram, ală cau pơgru tàm do gam tus bal broă bơto pơlam rề ơnàng bơh Binh đoàn dê bè broă ròng siam, sền gròi kòn dềt. Ală nam do, kơnờm bơta jơh nùs, lơh ngan, hìu bơsram neh dờp geh bơta pin dờn ờ mìng bơh cau công nhân tàm mpồl lơh sa kă bro, mờ bal mờ làng bol tàm [òn lơgar. Đại tá Nguyễn Đình Gíap, kuang atbồ mpồl đơng lam Đảng mpồl lơh sa kă bro 72 pà git: “ Bơh lòt sền kơnhoàl Đức Cơ, càr Gialai den să jan kung bè tơl bơta bơh ală sau dê ndrờm dờng pràn. Pa do, sau 5 sơnam neh bơsram ơdu\ 1, jơh ală ndrờm niam lơm. Làng bol tàm [òn lơgar tàm do kung pơyua uă ngan. Mơya tài kal ke, den tàng bol a` ờ hềt gơtùi dờp. Bol a` kơp kờ`, ală kơnă sền gròi nàng bơcri priă jền, bơt bơtàu tai hìu bơsram ơdu\ bơh sơn rờp tàm [òn lơgar.”

Bal mờ hìu sơnơm ling klàng làng bol lơh bal tàm làm gùt ală tiah mờ mpồl ling lơh broă, den ròt hìu bơsram ơdu\ bơh sơn rờp tàm do là dùl cơng tàng loh làng ngan bè broă sền gròi rài kis cau lơh broă in tàm Binh đoàn 15, Gah sền gàr dà lơgar.

                                      Cau cih mờ yal tơngit K’ Duẩn.