VOV4.K’ho - Ntum tiah nhàr lơgar Ia Rvê, kơnhoàl Ea Sup, càr Daklak là ù tiah ro kơn ra`, trồ tiah duh ngan, rài kis làng bol dê gam uă kal ke. Gơnoar atbồ tàm [òn lơgar mờ ală mpồl lơh broă tàm do gam rềp mềl mờ làng bol, dong làng bol bơtàu tơnguh lơh sa, gàr kơ\ rài kis, gàr kơ\ gơnoar tờm tiah nhàr dà lơgar:

Nhap nhar lam bol a` lòt còp anih lơh sa suơn dờng ơnàng 2 lồ gam geh lơh tàm ù tiah ro kơn ra` tiah nhàr dà lơgar, ồng Huỳnh Minh Cang, ơm tàm [òn 4, ntum Ia Rvê, kơnhoàl Ea Sup, càr Daklak pà git, hơ\ là cồng nha bơh rlau 10 nam hìu nhă ơm tàm ù tiah do. Nam 2004, ùr bơklau ồng bal mờ làng bol càr Bến Tre tus lơh sa pa tàm kơnhoàl Ea Sup do mìng mờ 2 mpàng tê gời; hìu ơm bơh dà lơgar lơh pà, ù tiah den klàr. Bal mờ bơta dong kờl bơh dà lơgar dê, làng bol mờ cau ling tàm dong kờl bal, hời rơhời sơrlèt gan kal ke. Tus tu\ do, hìu nhă ồng neh geh mờr 6 lồ tam điều, tam bùm blàng, mờ kơnrồ rlau 10 nơm. Ồng Huỳnh Minh Cang yal: “ Tu\ pa tus tàm do den làng bol lài ngan là ờ hềt mờng mờ trồ tiah tơngai duh ngan pơn drờm mờ tiah dà, dơ\ 2 là dà ngui sa tu\ hơ\ kal ke ngan. Bơh hơ\ tus tu\ do den làng bol neh tryang tryồng sơrlèt gan kal ke, hời rơhời rài kis kung tơl niam. Mìng is hìu nhă a` dê den đơs kung kờ` ală oh mi chờ hờp bal là gam rơcang ntrờn wàng ròng kơnrồ guh đang ne, hơ\sồng khoàng tơr lung dà, tờ tơnau dà, tam chi sa plai, ròng tai iar ơda, sur…”

Bulah bè hơ\, khà hìu nhă lơh sa pas gơs bè hìu nhă ồng Cang tàm ù tiah nhàr lơgar Ia Rvê gam dùl êt ngan. Ù tiah ro kơn ra`, trồ tiah tơngai duh, rài kis bơh uă ngan làng bol tàm tiah do gam kal ke. Ntum Ia Rvê tu\ do geh tus 74% khà hìu nhă rơbah. Trồ prang dờng soat dà sùm tàm 2 nam do neh lơh uă hìu nhă gơbàn kal ke. Ală kơnă gơnoar atbồ tàm [òn lơgar bal mờ ală mpồl ling tàm tiah nhàr dà lơgar, ală mpồl lơh broă niam pal sùm dong kờl phe mờ ală phan ngui sa kuơ màng, mờ jơnau đơs ờ lời hìu nhă lơi gơtìp jơ gloh tàm nhai puh pah. Bal mờ hơ\, ntum kung gam mut lơh ală broă lơh dờng màng rlau, bơcri lơh bơtơt rơbòng dà, tam gơl chi tam dong làng bol bơtàu tơnguh lơh sa, iang nùs ơm kis mờ tiah nhàr dà lơgar. Ồng Cao Minh Lự, Kuang atbồ anih duh broă làng bol ntum Ia Rvê pà git: “ Kàl lơh sa pa do den kung tài trồ prang dờng soat dà lơh aniai, mờ dơ\ 2 là tài khà priă phan lơh gơs bơh suơn sre ờ kơljap, rài kis làng bol dê gơtìp uă ngan kal ke. Den tàng tàm bơta sền gròi mờr tus den bol a` geh tam gơl chi tam, phan ròng gơ in dipal mờ trồ tiah, ù tiah tàm ntum, nàng làng bol geh rài kis tơl niam rlau. Bè broă lơh pơgồp bal đah kuang àng, ling klàng mờ ling sền gàr tiah nhàr dà lơgar kung bè mpồl sền gàr brê den bol a` neh geh kơrnuat mờ broă mut lơh sùm tàm ntum, dờp git, cribơyai jơnau tơngit mờ geh ală broă lơh geh cồng nha kờ` kơryan bơta dô pồn gan tiah nhàr lơgar tìs mờ kơrnuat boh lam. Bơta ngap lơngai tàm [òn lơgar gơlik geh bè lơi den ală oh mi kung neh sùm cribơyai mờ lơh broă mờ mpồl Đảng, gơnoar atbồ tàm [òn lơgar mờ pôs ling sền gàr tiah nhàr dà lơgar geh broă lơh gàr kơ\ ngap lơngai tàm tiah nhàr lơgar kung bè ngap lơngai ờ do ờ dă tàm [òn lơgar.”

Gàr niam rài kis làng bol in là broă lơh lài ngan gơ jat bal mờ kơnòl sền gàr ngap lơngai gùng dră bal, ờ do ờ dă mpồl bơtiàn tiah nhàr lơgar Ia Rvê. Đại uý Lê Anh Tuấn, Kuang jat jơng atbồ pôs ling sền gàr tiah nhàr lơgar Ia Rvê pà git, mpồl ling sền gàr tiah nhàr lơgar kong bal bòl glar, git loh rài kis làng bol dê, nàng geh ală broă lơh dipal, mblàng yal, pơlam làng bol lơh jat kơrnuat tiah nhàr dà lơgar; lơh ngan kơryan cau mut ờm tài jơnau kờ` ờ niam. Đại uý Lê Anh Tuấn pà git: “ Bơta pơgồp bal đah ală anih lơh broă, mpồl lơh broă, gơnoar atbồ tàm [òn lơgar mờ ală mpồl lơh broă tàm [òn lơgar, mblàng yal, lam sồr làng bol ờ lơh tìs kơrnuat tiah nhàr dà lơgar, mut lơh jat niam kơrnuat sồ 34 bơh gơnoar atbồ lơgar dê. Den bol a` kung neh geh ală dơ\ tus tàm hìu làng bol nàng mblàng yal, mblàng yal bơh loa pờ tơlik jơnau đơs ntum dê pah ngai. Den bơh sơn rờp, làng bol tàm ntum neh git jơh ală bơta bè gơnoar tờm, ngap lơngai tiah nhàr dà lơgar, khà cau lơh tìs kơrnuat tiah nhàr dà lơgar uă ngan là làng bol mut tàm tiah nhàr lơgar nàng koh gle tac, halà ting mòc phan brê, den làng bol mìng lơh tìs 1 dơ\, tu\ geh bơto pơlam, tơngkah den làng bol neh git bơta sền gàr gơnoar tờm, ngap lơngai tiah nhàr dà lơgar.”

                     Cau cih mờ yal tơnggit K’ Duẩn.