VOV4.K’ho – Pơnjat tai dơ\ tus còp lơgar Nhờk bơh ngai 24 tus ngai 30/8, drim òr, 26/8, mò Nguyễn Thị Kim Ngân kuang jat jơng atbồ Gơnoar ala mat dà lơgar neh geh dơ\ lơh broă mờ kuang atbồ Gơnoar ala mat dà lơgar Nhờk, kuang atbồ Mpồl tam klac kuang ala mat lơh bơyô bal Nhờk - Việt Nam, còp càr Gunma. Tàm dơ\ tìp mat mờ kuang atbồ Gơnoar ala mat dà lơgar Nhờk, mò Nguyễn Thị Kim Ngân đơs tờm git gơp đah Việt Nam mờ Nhờk gam gơmut tàm bơta ngan ngồn, tàm hơ\ git gơp đah Gơnoar ala mat dà lơgar 2 lơgar kung gam bơtàu tơnguh pràn ngan. Mò Nguyễn Thị Kim Ngân sồr Gơnoar ala mat dà lơgar bơh 2 lơgar pơnjat tai tơnguh ală broă lơh tìp mat cribơyai, mơkung sồr Gơnoar ala mat dà lơgar Nhờk dong kờl broă gàr priă bơcri ODA tàm khà jơnhua ai Việt Nam in tàm ală rơndap broă bơt bơtàu phan bơna, rơndap tap sèng wơl rài lơh sa kờ` mut lơh geh cồng nha broă lơh tam gơl pa bơh dà lơgar Việt Nam dê.

                                                                                                                Cau mblàng K' Duẩn.