VOV4.K’ho - Tây Nguyên pa sơrlèt gan tơngai prang dờng soat dà kal ke ngan mờ git nđờ jơt rbô hìu nhă làng bol ờ tơl dà ngui sa, git nđờ rbô lồ chi tam gơtìp sang gời halà gơmù cồng nha tơnhàu, bơta ờ tơl kòi phe kung gơlik geh tàm uă tiah, ngan là tàm tiah sar lơgar ngài, tiah nhàr dà lơgar, tiah làng bol kòn cau.Mờ gơ lơh bè dùl bơta geh is, sơlơ tàm bơta bòl glar, kal ke den nùs nhơm cau ling wa Hồ Tây Nguyên ngai sơlơ àng gơcrà tàm nùs nhơmlàng bol. Sùm tàm dơ\ trồ prang dờng soat dà pa do, kuang bàng, cau ling ală mpồl ling càr Kontum neh geh uă broă lơh ngan ngồn nàng dong làng bol sơr lèt gan kal ke:

           Tàm lồi nhai 4 pa do, tàm tu\ bơta trồ prang dờng soat dà gơlik geh kal ke ngan lơh rlau 90% hìu nhă làng bol tàm 2 [òn Đak Long mờ Đak Giao, ntum tiah nhàr dà lơgar Đak Xú, kơnhoàl Ngọc Hồi, càr Kontum ờ geh dà ngui sa pah ngai den dùl broă lơh dà mbòr [uơn [ùai mờ kloh niam geh mut ngui. Ờ gơtùi đơs jơh bơta chờ hờp bơh làng bol kòn cau Sơdàng tàm tiah do dê bè hiòng dà sàng kloh do. Bi ùr Y Xác, ơm tàm [òn Đak Giao pà git: “ Bol a` kơp kờ` neh bơh jo\ ngan. Lài do oh mi cau ùr tàm [òn lòt bơ\ dà bơh ngài, bơh tềng bơ nơm ne ngài ngan, bòl ngan. Tu\ do geh mpồl ling sền gàr tiah nhàr dà lơgar dong kờl, oh mi cau ùr ưn ngài ngan.”

             Ai bi A Võ, ơm tàm [òn Đak Long den đơs: “ Làng bol bơh lài tus tu\ do gơtìp uă ngan kal ke bè dà ngui sa. Neh geh dà ngui sa den bol a` chờ hờp ngan. Bol a` pal sền gàr dà gơ in kloh niam, ngui jo\ jòng jơh rài do kung bè ai rơnàng tơnơ\ do in.”

            Broă lơh dà mbòr geh mut lơh làng bol [òn Đak Long mờ Đak Giao in, geh sơn đờm bơh jơnau bơceh bơh kuang bàng, mpồl đơng lam pôs ling sền gàr tiah nhàr dà lơgar Đak Xú mờ nùs nhơm lơh ngan dong làng bol bơsong kal ke bè dà ngui sa. Kờ` geh priă jền mờr 100 tơlak priă nàng mut lơh broă lơh do, mpồl đơng lam bồ pôs ling sền gàr tiah nhàr dà lơgar Đak Xú neh lam sồr tă pơgồp bơh ală mpồl lơh sa kă bro mờ cau geh nùs nhơm niam. Tàm hơ\ kuang bàng cau ling pôs ling Đak Xú dong kờl rlau 12 tơlak priă. Kờ` tơmù priă mut lơh, jơh ală bơnah broă bơceh, mut lơh ndrờm bơh kuang bàng, cau ling pôs ling dê mut lơh. Mờ 3 broă lơh tờm: bơtơt dơng dà bơh sơn rờp geh lơh mờ bêtông lòs tàm dơlam; gùng brong dà jòng 800 thơk; 2 nơm tèk dơng dà 4 rbô lít, broă lơh gàr tơl dà ngui sa pah ngai tus mờ rlau 130 hìu nhă làng bol in. Thiếu tá Nguyễn Đình Tụ, atbồ pôs ling sền gàr tiah nhàr dà lơgar Đak Xú pà git: “ Do là dùl kơnòl sùm bơh mpồl ling dê đơs bal mờ mpồl ling sền gàr tiah nhàr dà lơgar đơs is. Pôs ling sền gàr tiah nhàr dà lơgar kung pơgồp bơnah bơtàu tơnguh nùs nhơm geh kơ nòl bơh kuang bàng, cau ling bal mờ làng bol, mờ kơnă Đảng, gơnoar atbồ tàm [òn lơgar tus bal tàm bơtàu tơnguh lơh sa, chài rơgơi, mpồl bơtìan mờ sơmbat tê bal bơt bơtàu [òn lơgar pa, gàr niam rài kis phan bơna làng bol in ngai sơlơ bơtàu tơnguh. Brồ guh nùs nhơm tam klac dờng nàng bal mờ gơp sền gàr kơ\ gơnoar tờm ngap lơngai tiah nhàr dà lơgar mờ sền gàr ngap lơngai gùng dră bal, ờ do ờ dă mpồl bơtiàn tàm [òn lơgar.”

           Bal mờ kơnòl atbồ, sền gàr 10 kơi sồ mờ gùl gùng nhàr lơgar mờ Lào, tàm ală nam do, kuang bàng, cau ling pôs ling sền gàr tiah nhàr dà lơgar Đak Xú neh geh uă broă lơh ngan ngồn dong làng bol ntum Đak Xú, kơnhoàl Ngọc Hồi gàr niam rài kis, bơtàu tơnguh lơh sa. Pơnrơ bè broă dong làng bol lơh gùng lòt tàm [òn lơgar; dong kờl sơntìl, chài lơh broă sa; dờp ròng, sền gròi 5 nă oh dềt mờ cau kra geh rài kis kal ke ờ geh cau ròng siam.

                               Cau cih mờ yal tơngit K’ Duẩn.