VOV4.K’ho - Mpồl lơh sa kă bro dùl nă să is 716 geh crơng gơs nhai 3 nam 2014. Crơng gơs tàm tu\ broă lơh sa kal ke tàm bă ù ờ [uơn bè bơta geh is mờ làng bol ơm kis, mơya mpồl lơh sa kă bro neh mờ gam lơh ngan mut lơh niam ală kơ nòl lơh sa, gùng dră bal. Tàm hơ\, pal sền gròi ngan là broă bơt bơtàu rài kis mờ lơh broă kơljap dùl bă tiah cau lơh broă in mờ 100% là cau kòn cau:

6 nam lài, bi A Vuông, kòn cau Sơdàng, lik lòt bơh [òn tờm tàm kơnhoàl Kon Plông, càr Kontum tus kơnhoàl Ia H’Drai nàng lơh công nhân kau su. Bi A Vuông pà git, tu\ pa sơn đờm tus lơh broă, bi ờ sơ nơng là gơtùi ơm jo\ jòng tàm do, tài tiah do kal ke rlau mờ [òn bi dê tai. Rlau mờ hơ\, tiah do ngai mờ [òn yau tus nđờ rhiang kơi sồ, kờ` rê hờ hìu bi pal roh dùl ngai đì rơndeh. Kòn cau Sơdàng kung ờ huan lik lòt bơh [òn nàng tus ơm kis tàm dùl tiah ndai. Bulah bè hơ\, tơnơ\ 6 nam, bi A Vuông go\ bơta sac rơwah bi dê là di. Ơm mờ cau ling, lơh bal mờ cau ling, geh broă lơh, priă jền lơh geh kơljap, rài kis bi dê kung hời rơ hời bơtàu tơnguh bè ală suơn kau su gơs tơlir tàm tiah nhàr dà lơgar Ia H’Drai. Bi A Vuông đơs: “A` lơh công nhân tàm do niam ngan, geh rài kis tơl niam. Kuang bàng dong kờl a` uă ngan. A` geh rềp mềl mờ mpồl lơh sa kă bro nàng bơt bơtàu rài kis ngai sơlơ niam rlau.”

Kung bè bi A Vuông, bi Cầm Bá Thức là dùl nă klau pơnu kòn cau Thái bơh càr Thanh Hoá mut tàm Tây Nguyên lơh broă. Bi tus kơnhoàl Ia H’Drai lơh công nhânkau su 716, Binh đoàn 15 bơh nam 2009, tu\ ờ hềt bau. Tus tu\ do, bi neh bau, pơ ùr bi dê kung là công nhân lơh bal tàm mpồl lơh sa kă bro mờ geh 2 nă kòn. Kơnờm geh bơta dong kờl bơh mpồl lơh sa kă bro, ùr bơklau bi neh lơh geh hìu ơm kơljap bal mờ suơn ơnàng 2 lồ, pah nam tơnhàu geh rlau 150 tơlak priă. 2 nă ùr bơklau bi Thức kung iang nùs lơh broă tu\ 2 nă kòn dềt bi dê geh mpồl lơh sa kă bro dong kờl ròng bơsram tàm hìu bơsram ơdu\ bơh sơn rờp mpồl lơh sa kă bro dê. Bi Thức go\ bơtuah ngan tu\ tus lơh broă tàm tiah do. Bi đơs: “Geh mpồl đơng lam mpồl lơh sa kă bro kung bè mpồl lơhbroă geh jơng dong kờl hìu nhă a` kung geh priă jền tềm pềr, priă lơh geh kung kơljap đau. Neh tus ndo den he pal lơh ngan, pah nam tơnguh tai dùl êt nàng tơ nơ\ do oh kòn dờng ờ huan kal ke tai.”

Mpồl lơh sa kă bro 716 tu\ do geh mờr 3 rbô 200 lồ kau su mờ jơh ală gam tàm tơngai pa dờng. Rlau 600 nă công nhân bơh mpồl lơh sa kă bro dê den jơh ală ndrờm là cau kòn cau gam tàm sơnah ơruh pơnu. Bulah kau su ờ hềt còr bơ sơt, mơya mpồl lơh sa kă bro sùm sền gròi rài kis nàng cau công nhân in iang nùs rềp mềl mờ suơn chi, mờ mpồl lơh broă. Tàm hơ\, bơdìh mờ gàr tơl priă nhai, mpồl gam dong lơh hìu, ù lơh sa ai ală hìu nhă in, bơt bơtàu [òn ơm kis, hìu bơsram, hìu sơ nơm, lơh gùng che đèng… Thượng uý Phạm Văn Uy, atbồ mpồl lơh broă sồ 6, mpồl lơh sa kă bro 716, Binh đoàn 15 đơs: “Tàm tu\ mut lơh kơnòl den oh mi công nhân ndrờm là ơruh pơnu, pa rơ wah mut lơh broă den gam uă kal ke. Den tàng bol a` kung jòi git bơta kơp kờ` hơ\ sồng geh broă lơh dong kờl. Bơh hơ\, oh mi công nhân lơh ngan bơt bơtàu mpồl lơh sa kă bro pràn kơldang, iang nùs lơh broă. Tu\ do den oh mi neh geh bau, geh hìu nhă neh geh 2 nă kòn den tàng kung iang nùs lơh broă, mut lơh kơnòl mpồl dê.”

Bơto bơtê dùl mpồl công nhân kơljap bè chài lơh broă, ai geh bơta [uơn nàng công nhân kơ nòm să in iang nùs ơm kis mờ lơh broă, mpồl lơh sa kă bro 716 gam bơt bơtàu he in dùl bơnàng jă kơ\ kơljap rơnàng tơ nơ\ do in tàm ù tiah nhàr lơgar Ia H’Drai.

Bal mờ ală cau ling wă rơlao tai bè ală kal ke mờ broă sơlèt mờ kal ke bơh kuang bàng, cau ling, cau lơh broă tàm anih lơh sa kă bro 1 nă să lơh is 716, Binh đoàn 15, tàm ù tiah kơnhoàl nhàr dà lơgar Ia H’Drai, cau ai tơng^t jơnau đơs do neh geh dơ\ lùp Trung tá Hoàng Đức Toả, kuang atbồ đơng lam Đảng, kuang jăt jơng atbồ anih lơh sa kă bro 1 nă să 716.

- Ơ Trung tá, dan Trung tá pà g^t ală bơta kal ke anih lơh sa dê tu\ lơh jăt kơnòl lơh sa, sền gàr dà lơgar tàm kơnhoàl tiah nhàr dà lơgar Ia H’Drai?

Trung tá Hoàng Đức Toả: Là anih lơh sa pa crơng gơs, Binh đoàn dê, bol a` tus mờ lơh jăt kơnòl tàm ntum Nam Mang Mrai den geh uă bơta kal ke is. Ù tiah tàm Nam Mang Mrai là ù tiah ơnàng, mơya ờ geh làng bol kis bơh jo\ tàm do ơm kis. Ù tiah do kal ke kờ` lơh jăt ală broă tơnguh bơtàu lơh sa, bè ờ geh dà, tờ tơlung dà kal ke. Dơ\ 2, broă lơh sa, gùng dră bal, mpồl bơtiàn den geh ờ uă ngan. Tài do là ù tiah kơnhoàl pa crơng gơs. Dơ\ 3, anih lơh sa bol a` geh 100% khà gam tàm sơnam ơruh pơnu, sơnam deh dùh. Den tàng, broă prăp gàr kờ` lơh sa ờ hềt geh. Hơ\ sồng kơnòl anih lơh sa dê den lơh jăt broă tơnguh bơtàu lơh sa pơgồp bal mờ sền gàr bơta lơngăp lơngai dà lơgar tàm tiah nhàr dà lơgar, tiah sar lơgar ngài geh gùng nhàr dà lơgar jòng rơlao 52 kơi sồ, rềp mờ lơgar Campuchia.

- Mờ ală kal ke bè hơ\, anih lơh sa neh geh ală broă lơh lơi kờ` lơh gơs ală kơnòl ơ Trung tá?

Trung tá Hoàng Đức Toả: Lài jơh, bol a` ai tơl^k, mờ ală broă lơh pal lơh geh cồng nha kơnòl gùng dră bal, hơ\ là tơnguh bơtàu lơh sa pơgồp bal mờ sền gàr bơta lơngăp lơngai dà lơgar. Bol a` ai tơl^k ală gùng dà, broă lơh mùl màl. Dùl là lam sồr, bơto bơtê, bơ\t bơtàu kờ` cau lơh broă in g^t do là [òn lơgar dơ\ 2 ală cau lơh broă dê, kờ` cau lơh broă đềt mềr, iang nùs lơh broă, bơ\t bơtàu anih lơh sa, bơ\t bơtàu [òn lơgar. Dơ\ 2, bol a` pơgồp bal nền nòn mờ kơnă Đảng, gơnoar atbồ tàm do kờ` gàr niam làng bol in tơnguh bơtàu lơh sa hìu nhă, ring niam rài kis. Đah anih lơh sa den jàu ù kờ` làng bol lơh sa bơdìh mờ broă lơh jăt kơnòl tàm ù geh tam pà. Bè broă lơh jăt kơnòl sền gàr dà lơgar den bol a` tơnguh bơtàu mpồl [òn mờ gàr niam rài kis mpồl bơtiàn pơgồp bal mờ ală tiah lơh sa. Mờ lam sồr kờ` làng bol in g^t mờ sền gàr `jrong nhàr dà lơgar mờ lơh broă, broă lơh bal làng bol mờ lơgar ndai hờ đah ne nhàr dà lơgar.

- Ơ Trung tá, tàm bơta khà priă bơsơ\t cao su gơmù, rài kis cau lơh broă gam kal ke, anih lơh sa geh gùng dà lơi kờ` pơn jăt tai lơh jăt niam kơnòl geh jàu?

Trung tá Hoàng Đức Toả: Tàm tơngai tus, bol a` pal sền gàr kơl jăp broă lơh jăt kơnòl gùng dră bal là sền gàr, sơnka suơn cao su tàm rài lơh sa tòm. Mờ pal gàr tơl niam rài kis cau lơh broă. Den bol a` neh lam sồr mờ broă bơto broă lơh, jàu ù, jàu priă, sơntìl mờ jà ală anih lơh sa kă bro bơh bơdìh tus kờ` dong kờl, bơto cau lơh broă, làng bol tus bal tàm broă tam phan, ròng phan. Pa do, bol a` neh jà 4 dơ\ ală anih lơh sa kă bro tus bơto làng bol in tàm broă tam điều, tam tơngời mờ lơh sre, ròng kơnrồ, ròng iar, ơda. Dơ\ 2, bè gùng dà pơn jăt tai, bol a` lơh broă mờ kơnă Đảng, gơnoar atbồ tàm do kờ` geh broă lơh mùl màl là jàu ù, jàu brê cau lơh broă in tơnguh bơtàu lơh sa hìu nhă.

- Ơi, dan ưn ngài Trung tá!

                                          Cau cih mờ yal tơng^t K’ Duẩn – Ndong Brawl