VOV4.K’ho – Tơnơ\ tu\ tus [òn dờng Frankfurt, bang Hessen, lơgar Đức dê tơn, mho òr 5/7, jat jiơ lơgar Việt Nam dê, Thủ tướng Nguyễn Xuân Phúc mờ pơ ùr bal mờ Mpồl kuang bàng dờng màng ala mat lơgar Việt Nam neh lòt còp kuang bàng, cau lơh broă tàm Tổng lãnh sự quán Việt Nam tàm [òn dờng Frankfurt.

Thủ tướng sồr tàm broă bơtàu tơnguh pa bơh lơh sa- mpồl bơtiàn pa dê, kuang bàng, cau lơh broă tàm Tổng lãnh sự quán kờ` pal pơn jat tai gàr nùs nhơm tam klac bal, tam klac đềt mềr, lơh ngan lơh geh tơl ală bơta niam rlau tai ai cau Việt Nam ơm kis mờ lơh broă tàm Frankfurt in đơs is mờ càr Hessen, lơgar Đức đơs bal geh rài kis kơ\ kơl jăp, kis gơrờm bal mờ làng bol [òn lơgar tàm tiah ơm kis, bơtàu tơnguh lơh sa; gàr mờ ngui niam bơhiàn niam chài pơnrơ is jơi bơtiàn dê.

Mho mang ngai 5/7, Thủ tướng Chính phủ Nguyễn Xuân Phúc mờ pơ ùr neh tus [òn dờng Mainz, di bang Rheiland-pfalz, dùl bang tàm tiah đah jum mattơngai mut lơgar Đức dê.

Tàm do, Thủ tướng Chính phủ Nguyễn Xuân Phúc neh geh dơ\ lơh broă mờ Chủ tịch Thượng viện Đức, mơ là kuang atbồ bang Rheiland-Pfalz. 2 gah neh cribơyai jơnau tơnggit mờ cribơyai broă lơh nàng sơlơ tam klac ală gah lơh sa geh bơta pràn bè nhơl chờ, công nghệ thông tin, công nghệ hoá chất mờ lơh ơlak vang.

Cau cih mờ yal tơngi\t- Lơ Mu K’ Yến mờ K'Duẩn