VOV4.K’ho - Drim òr (6/6),  tàm hìu lơh  broa\ Quốc hội lơgar Nhờk, Thủ tướng Chính phủ Nguyễn Xuân Ơhúc neh  cri bơyai broa\ mờ Chủ tịch Thượng viện lơgar Nhờk ồng Date Chuichi. Ồng Nguyễn Xuân Phúc sồr 2 gah geh pờ ơnàng lơh broa\ bal bơh anih lơh gơs adat boh lam, tơngguh broa\ lơh cri bơyai jơnau tơnggit,  bơta mờng tàm broa\ lơh gơs adat boh lam, chòl guh bơnga\ lơh rbàng tơrbo\ ala\ mpồl git gơp  kuang bàng gơnoar ala mat bơh 2 lơgar, tơngguh broa\ lơh bal, tam klac bơh Quốc hội Việt Nam mờ Quốc hội lơgar Nhờk tàm ala\ dơ\ cri bơyai nghị viện  ala\ lơgar rềp bal mờ dunia, ngan la tàm dơ\ cri bơyai nghị viện châu Á-Thái Bình Dương APPF nhai 1 nam 2018.

Ồng Nguyễn Xuân Phúc geh jơnau sồr Quốc hội lơgar Nhờl sền gròi, lơh ngan lơh broa\ bal tàm gah lơh broa\ mờ ala\ càr [òn dờng bơh 2 lơgar, pơnjat tai geh kờ` pràn ngan broa\ lơh bơh ASEAN mờ Việt Nam  bè bơta dà lềng đah mat tơngai lik.

Kung tàm drim òr, jat jiơ tiah do tàm Tokyo, lơgar Nhờk, Thủ tướng Nguyễn Xuân Phúc neh geh dơ\ lơh broă mờ mờr 60 mpồl lơh sa kă bro lơgar Nhờk tàm gah công nghệ thông tin mờ ờ uă gah ndai. Jờng rơ kuang đơng lam bồ ală mpồl lơh sa kă bro lơgar Nhờk neh sền gròi tus lơgar Việt Nam.

Thủ tướng neh yal tus cau bơcri priă công nghệ thông tin lơgar Nhờk bè dùl tiah bơcri priă kă bro niam ngan tàm lơgar Việt Nam. Pơnjat mờ hơ\, Thủ tướng Nguyễn Xuân Phúc bal mờ pơ ùr neh tìp mat bơtau lơgar Nhờk mờ pơ ùr bơtau dê.

                                                Cau cih mờ yal tơnggit K’ Brọp mờ K' Duẩn