VOV4.K’ho – Drim òr 25/02, tàm Hà Nội, ồng Nguyễn Thiện Nhân kuang geh jơng Gah gùng dră bal dà lơgar, kuang atbồ anih duh broă gah tề lam gùng dră bal dà lơgar Việt Nam mờ ồng Võ Văn Thưởng, kuang atbồ mpồl mblàng yal gùng dà broă lơh dà lơgar neh tus còp, nting sap gờm chờ Gah lơh sơnơm dà lơgar di ngai cau lơh sơnơm Việt Nam, 27/2.

Ồng Nguyễn Thiện Nhân pơyua jơnau nting sap gờm chờ niam bơne\ ngan rlau jơh tus kuang đơng lam bồ, kuang bàng, cau lơh broă gah lơh sơnơm neh sùm jơh nùs, tài pràn kơldang să jan làng bol. Ồng Nguyễn Thiện Nhân đơs tờm, anih duh broă gah tề lam gùng dră bal dà lơgar Việt Nam geh pơnjat tai lòt bal, pơgồp bal mờ gah lơh sơnơm mut lơh niam ală broă lơh sền gròi tàm nam lài: bè tă priă sền gàr mpồl bơtiàn, kham sơm kòp ờ sa priă tàm ală mpồl lơh sa kă bro; broă lơh jat kơrnuat boh lam bơh ală hìu lơh sơnơm is dê… mờ mờr tus là bè broă gàr kloh niam ờ do ờ dă phan sa. Ồng Nguyễn Thiện Nhân kơp kờ` tàm tơngai tus, mpồl y bác sỹ, kuang bàng gah lơh sơnơm geh sùm pơn ìơ să bè broă lơh, pơnjat tai tơnguh rlau tai mờng chài lơh broă, rơcang lài bơceh pa, sền gròi niam pràn kơldang să jan làng bol, tă pơgồp tàm broă lơh bơt bơtàu mờ sền gàr dà lơgar.

Chờ gờm gah lơh sơnơm di Ngai Cau lơh sơnơm Việt Nam, ồng Võ Văn Thưởng kuang atbồ Mpồl mblàng yal gùng dà broă lơh dà lơgar dê đơs loh: Tàm 61 nam do, lơh jat jơnau bơto sồr bơh Bác Hồ dê, gah lơh sơnơm neh geh uă bơta tam gơl pràn ngan, mờ ală cồng nha lơh geh pal sền dờng màng ngan, pơgồp bơnah tàm cồng nha lơh geh bal bơh dà lơgar mờ broă mu\t lơh geh cồng nha broă lơh jơnau kờn rbô nam bơh Anih duh broă dunia dê đơs niam ngan ală cồng nha bơh Việt Nam dê lơh geh tàm tơngai lài. Jat ồng Võ Văn Thưởng, tus tu\ do, ală hìu sơnơm bơh Dà lơgar tus ntum neh geh bơta tam gơl; mpồl cau lơh sơnơm bơtàu tơnguh bè broă lơh, bơsram tàp nùs nhơm cau lơh sơnơm, lơh geh bơta pin dờn tus mờ làng bol. Do ngan là cồng nha bơh bơta kơ\ dơn, lơh ngan bơh kuang đơng lam Gah lơh sơnơm dà lơgar dê bal mờ mpồl cau lơh sơnơm, kuang bàng tàm jơh gùt gah lơh sơnơm dê.

                                       Cau cih mờ yal tơngit K’ Duẩn, Lơmu K’ Yến.