VOV4.K’ho - Là Trung đoàn ling ù gờl lơh broă tàm kơnhoàl Đak Tô, càr Kon Tum, ală nam do, mut lơh broă lơh pơgồp bal đah gah lơh sơnơm mờ ling klàng, Trung đoàn 24, Sư đoàn 10 neh pơgồp bal mờ hìu sơnơm ntum Tân Cảnh, kơnhoàl Đak Tô, càr Kon Tum crơng gơs hìu sơnơm ling klàng mờ làng bol, pah nam bơyai lơh kham mờ sơm kòp git nđờ rbô dơ\ cau tàm [òn lơgar in. Broă lơh ngan ngồn do neh pơgồp bơnah tơnguh bơta niam broă lơh sơnơm tàm [òn lơgar; mơkung ai tơnggo\ nùs nhơm làng bol mờ ling klàng rềp mềr bơh cau ling wa Hồ dê tàm ù tiah đah tô Tây Nguyên:

Bơh àng drim gờ`, bi A Thọ, kòn cau Rơ Ngao, ơm tàm [òn Đak Ri Dốp, lam kòn ùr Y Nhiên tus hìu sơnơm ling klàng mờ làng bol ntum Tân Cảnh, kơnhoàl Đak Tô nàng kham wơl tài jê dùl đah jơng. Bi A Thọ pà git, [òn bi dê ơm đah ne rơbàng ỳông, ngài mờ hìu sơnơm ling klàng – làng bol rlau 10 kơi sồ. Lài do, gùng lòt kal ke, ơm ngài hìu sơnơm kơnhoàl, den tàng pah tu\ kòp jê, làng bol sùm sơm kòp jat mờng chài bơhìan yau, jo\ ngai kung ờ bời sơl. Uă cau kòp jê jo\ jòng mơya ờ git là gơbàn kòp lơi; geh tu\ chơt să kung ờ git lơh bơh tài sơl. Bơh tu\ hìu sơnơm ling klàng – làng bol geh lơh tàm ntum Tân Cảnh, làng bol tàm [òn geh sền gròi pràn kơldang să jan niam rlau. Bi A Thọ đơs: “ Hìu nhă geh cau gơbàn kòp jê, a` sùm mut tàm brê ai sơnơm nha nàng hùc. Bơh tu\ git hìu sơnơm do, hìu nhă gơbàn kòp, a` ndrờm jun tus hìu sơnơm. Hìu nhă a` pin dờn ngan tàm mpồl y bác sĩ ling klàng tàm do.”

Mut lơh broă lơh pơgồp bal đah Gah lơh sơnơm dà lơgar mờ Gah sền gàr dà lơgar, pơgap mờ do 6 nam, hìu sơnơm ntum Tân Cảnh mờ hìu sơnơm 24, di Trung đoàn 24, Sư đoàn 10, Quân đoàn 3 pơgồp bal lơh hìu sơnơm ling klàng làng bol Tân Cảnh. Y sĩ Nguyễn Thị Thanh Huyền, atbồ hìu sơnơm ntum Tân Cảnh pà git, pah ngai, hìu sơnơm 24 ndrờm sồr bơh 1 tus 2 nă bác sĩ pơgồp bal mờ kuang bàng lơh sơnơm tàm ntum kham sơm kòp làng bol in. Lài do, hìu sơnơm ntum Tân Cảnh mìng gơtùi kham sac rơ wah, sơm ing bơh sơn rờp, halà pùt ală sồt să `ggờc,… mơya bơh tu\ geh bơta dong kờl bơh y bác sĩ hìu sơnơm 24, hìu sơnơm ntum neh gơtùi kham, sơm uă bơta kòp jroă bè kòp as sồt klờm soh, sồt să, sơm sồt rềs àr. Mò Nguyễn Thị Thanh Huyền đơs: “ Dùl ngai gơtùi kham bơh 20 tus 30 nă cau kòp in mờ sơm ală cau kòp jroă, pơn yơu bè gơtìp rềs àr, sồt să. Làng bol, khi jờng là bác sĩ hìu sơnơm 24 chài ngan lơh broă mờ lơh broă jak ngan.”

Biên chế bơh hìu sơnơm 24, Trung đoàn 24 mìng geh 15 nă, tàm hơ\ geh bal bác sĩ, y sĩ mờ y tá. Mờ kơnòl lài ngan là sền gròi pràn kơldang să jan kuang bàng, cau ling pôs ling in tàm tơl bơta gơlik geh; kờp bal tàm tu\ pơlam tàp tàm [òn lơgar kung bè ală dơ\ pơlam tàp hờ bơdìh, mơya ală y bác sĩ hìu sơnơm 24 kung gam bơyai lơh niam lơh broă tàm pơdar, gàr niam broă kham sơm kòp geh lơh sùm tàm hìu sơnơm ling klàng – làng bol Tân Cảnh. Ờ mìng bè hơ\, pah nam, ală y bác sĩ gam bơyai lơh uă dơ\ kham kòp, pà sơnơm ờ sa priă tàm ală [òn kal ke, tiah làng bol kòn cau, mblàng yal, bơto bơtê làng bol in broă gàr kloh niam rơcang sơndră kòp, cit sơnơm vaccine cau ùr geh bun mờ kơnòm dềt in; kham sơm kòp ờ sa priă cau kra, kuang bàng jơh sơnam lơh broă, cau geh màng mờ dà lơgar in… Thượng uý Phạm Thanh Lịch, kuang jat jơng atbồ Đại đội 24, Trung đoàn 24, Sư đoàn 10 pà git: “ Bol a` sùm lơh broă bal, bơh rơcang lài tam lơh tus lơh broă tàm hìu sơnơm là pal lơh bal, gàr tơl mpồl cau tus ndo kham sùm. Kuơ màng, ală tu\ hìu sơnơm sồr geh cau nàng kham kòp jal mhar halà ală dơ\ cit sơnơm rơcang sơndră kòp halà kham pràn kơldang să jan jat tơngai pơrgon làng bol in.”

Nam pa do, hìu sơnơm ling klàng – làng bol Tân Cảnh, kơnhoàl Đak Tô neh kham mờ sơm kòp rlau 6 rbô dơ\ cau kòp tàm [òn lơgar in, bơyai lơh cit sơnơm rơcang sơndră kòp rề ơnàng git nđờ rhiang nă oh dềt in; mut lơh mblàng yal rơcang sơndră ală kòp bè kòp mprơm duh să, kòp bơsiă mhàm, sền gàr cau kòp dun. Thượng tá Nguyễn Xuân Lai, atbồ mpồl đơng lam Đảng Trung đoàn 24, Sư đoàn 10, Quân đoàn 3 pà git: “ Nùs nhơm bol a` dê, dong kờl cau mờ drơng làng bol in lài ngan, den tàng bol a` sồr ală oh mi geh kơnòl, geh chài lơh broă uă tus kham kòp làng bol in bal mờ mpồl lơh sơnơm ling klàng, y tá, ý sĩ dùl êt ngan. Mơya mut lơh broă lơh, rơndap broă geh bơt bơtàu, den bol a` kung gam ai cau tus pah ngai. Bơh hơ\, dùl đah den gàr niam pràn kơldang să jan, bơta pin dờn tus mờ mpồl lơh sơnơm ling klàng, dơ\ 2 là pơnjat tai bơt bơtàu rùp să cau ling wa Hồ tàm nùs nhơm làng bol”.

                                                            Cau cih mờ yal tơngit K’ Duẩn.