VOV4.K’ho - Broă lơh tàm ntum Ia Tôr, tiah geh sền là ntum kal ke bơh kơnhoàl Chư Prông, càr Gia Lai, tàm 10 nam do, hìu sơnơm ling klàng làng bol lơh bal bơh mpồl lơh sa kă bro is Bình Dương, di Binh đoàn 15 ờ mìng lơh niam broă kham sơm kòp tus mờ kuang bàng, cau lơh broă bơh mpồl lơh sa kă bro dê mờ gam jơh nùs ngan dong kờl tàm [òn lơgar sang sơbì ală bơhìan ờ niam tàm broă sền gròi pràn kơldang să jan; bal mờ hơ\, mờ bơta jơh nùs tàm broă kham, sơm kòp he dê, mpồl y bác sĩ tàm do neh pơgồp bơnah lơh niam rlau tai rùp să ală cau ling lơh sơnơm tàm nùs nhơm làng bol dê:

Bi ùr Siu H’ Póp, kòn cau Jarai ơm tàm [òn Neh, ntum Ia Tôr, kơnhoàl Chư Prông gam ròng bơklau piam sơm kòp tàm hìu sơnơm ling klàng làng bol lơh bal bơh mpồl lơh sa kă bro is Bình Dương dê yal là, tàm [òn bi ùr dê, pơgap mờ do 10 nam lài, tơl nă cau ờ hềt git bơta kuơ bơh broă kham sơm kòp ờ sơnơm tây, den tàng sùm hòi cau bơ jơu halà pic nha sơnơm tàm brê nàng sơm kòp. Mơya bơh tu\ geh ală y bác sĩ bơh hìu sơnơm ling klàng làng bol lơh bal bơh mpồl lơh sa kă bro Bình Dương dê tus tàm [òn kham kòp, pà sơnơm ờ sa priă mờ mblàng yal, hời rơhời tơl nă cau neh git bơta kuơ bơh hìu sơnơm dê, mờng quèng sơm kòp kung neh tam gơl jơh, pràn kơldang să jan làng bol tàm [òn dê kung neh tam gơl uă ngan. Bi ùr Siu H’ Póp đơs: “ Lài do, dilah tàm hìu nhă geh cau lơi kòp jê den hòi cau bơ jơu hơ\ sồng pic nha sơnơm tàm brê nàng ceh halà hùc. Bơh ngai geh hìu sơnơm, làng bol tus ndo kham kòp, siêu âm, sền mhàm, tơmut dà srồm, sơnơm tơl làm, den tàng cau lơi kung iang nùs jun cau tờm tusk ham kòp tàm do.”

{òn Ó, ntum Ia Vêr, kơnhoàl Chư Prông ngài mờ hìu sơnơm ling klàng làng bol lơh bal bơh mpồl lơh sa kă bro Bình Dương dê mờr 20 kơi sồ. Mơya pơgap uă nam do, broă lòt rê, gùng lòt gam uă kal ke, pah tu\ geh ală bơta kal ke bè deh dùh, kòp gơ rềng tus gùng tă nhơm… den làng bol tàm [òn ờ ngòt gùng ngài, jòi tus bơta dong kờl bơh hìu sơnơm dê. Tu\ do, tu\ tơl bơta neh [uơn rlau, bơh kơnòm dềt tus cau dờng, cau lơi geh bơta lơi bè pràn să jan, ndrờm pin dờn mờ tus kham, sơm kòp tàm hìu sơnơm ling klàng làng bol lơh bal bơh mpồl lơh sa kă bro Bình Dương dê. Bi ùr Bùi Thị Thu, ơm tàm [òn Ó, ntum Ia Vêr, kơnhoàl Chư Prông lam kòn klau tus hìu sơnơm nàng sơm kòp duh să siêu vi pà git: “ Bơh tu\ sau pa deh tus tu\ do, tu\ lơi gơbàn kòp jê den ndrờm lam tus ndo. Uă ngan là khai gơbàn duh să. Pơ yơu khai gơtìp kiat den ală bác sic kung mhar kham sơm kòp jơh nùs ngan.”

Hìu sơnơm ling klàng làng bol lơh bal bơh mpồl lơh sa kă bro Bình Dương geh crơng gơs pơgap 10 nam do tàm ntum Ia Tôr, kơnhoàl Chư Prông, càr Gia Lai. Tu\ pa crơng gơs, kơnòl tờm bơh hìu sơnơm dê là gàr niam broă kham, sơm kòp bơh sơn rờp tus mờ kuang bàng, cau lơh broă bơh mpồl lơh sa kă bro dê. Bal mờ bơta bơtàu tơnguh bơh Binh đoàn dê, ròt hìu sơnơm ling klàng geh rề ơnàng, bơtàu tơnguh ringbal bơh kơnă hơđang tus [òn lơgar, hìu sơnơm geh bơcri tai cau lơh broă, cơldu\ kham sơm kòp, cơ nờng piam kòp… kuơ màng là uă bơta phan bơna mai\ mok lơh sơnơm pa ngan bè mai\ siêu âm, nội soi, x-quang, sền mhàm, mai\ đo nùs… Bơta chài kham sơm kòp bơh hìu sơnơm dê bơh hơ\ neh gơguh pràn ngan, dờp geh bơta pin dờn bơh làng bol tàm [òn lơgar dê.

Tu\ do, pah ngai, hìu sơnơm ling klàng làng bol lơh bal bơh mpồl lơh sa kă bro Bình Dương dê dờp mờ sơm pơgap 30 dơ\ cau kòp in, drơng jơnau kờ` sơm kòp tơn 10 nă cau in tàm 1 dơ\ le\. Kuơ màng, ală cau rơbah, làng bol kòn cau tu\ tus ndo ndrờm geh kham, pà sơnơm, sơm kòp ờ sa priă. Bơdìh mờ broă lơh mblàng yal tam gơl bơta sơnơng, broă lơh tàm broă sơm kòp làng bol kòn cau tàm [òn lơgar dê, pah nam, hìu sơnơm gam bơyai lơh lòt tus ală ntum tiah sar lơgar ngài bơh kơnhoàl Chư Prông dê nàng kham mờ pà sơnơm ờ sa priă, bal mờ priă jền mut lơh pơgap 200 tơlak priă. Đơs bè rơndap broă lơh tàm tơngai tus, Thiếu tá, bác sĩ Trịnh Quang Xuân, atbồ hìu sơnơm ling klàng làng bol lơh bal bơh mpồl lơh sa kă bro Bình Dương, di Binh đoàn 15 pà git: “ Bol a` geh sền gròi tàm bơta tơnguh git wă tus mờ kuang bàng, cau lơh broă bơh hìu sơnơm dê, den bol a` geh sơm niam rlau tai jơh ală bơta kòp, tơmù khà cau pal jun tus hìu sơnơm kơnă hơđang. Bal mờ hơ\ bol a` kung pơgồp bal mờ hìu sơnơm tàm [òn lơgar chồl pràn broă rơcang sơndră kòp. Hơ\ sồng kung [ồm sơnơm, tram kơmùng tàm dà sơnơm rơcang sơndră sơmac, broă lơh cit sơnơm rơcang sơndră kòp rề ơnàng kơnòm dềt in.”

Mờ ală broă lơh ngan ngồn tàm [òn lơgar, ală y bác sĩ bơh Binh đoàn 15 dê gam ngai sơlơ lơh niam rlau tai rùp să bơh ală bác sĩ ling klàng dê tàm nùs nhơm làng bol ală kòn cau tàm ù tiah Tây Nguyên.

                                         Cau cih mờ yal tơngit K’ Duẩn.