VOV4.K’ho- Pa do, tàm xã Hoà Đông, kơnhoàl Krông Pach, càr Daklak, Cục Lơngăp lơngai Tây Nguyên, Hìu sơnơm 30/4, Công ty Trách nhiệm hữu hạn Minh Phát lơh broă lơh “Jàu pơyua nùs nhơm”. Do là dùl tàm ală broă lơh geh kuơ ngan, dong làng bol kòn cau tàm tiah do bơtàu tơnguh lơh sa, tơn jơh jơgloh tơrmù r[ah.

Bi Y Hăng Niê, cau Rơđê, kis tàm [òn Ea Kmăt, xã Hoà Đông, kơnhoàl Krông Pach, càr Daklak bau neh 4 nam do. Ùr bơklau bi mìng geh 2 sàu sươn tam tàm bơrlu\ bal ală tờm chi tam, priă lơh geh dùl êt ngan, den tàng pah ngai pal lòt lơh broă apah nàng jòi priă jền ngui sa tàm rài kis. Bulah tơryang tơryồng ngan lơh broă, mơya rài kis hìu bơnhă bi Hăng dê kung gam kal ke ngan sơl. Geh Ủy ban Nhân dân xã Hoà Đông yal, Cục Lơngăp lơngai Tây Nguyên neh jàu pà hìu bơnhă bi in 9 nơm be, mơkung lơh wàng, dong kờl lơ\ mờ pơlam bơta chài ròng siam. Chờ hờp tài bơh neh geh phan nàng bơtàu tơnguh lơh sa hìu bơnhă, ùr bơklau bi Y Hăng Niê ròng bòr be niam ngan. Bi đơs:

“Đah Cục Lơngăp lơngai Tây Nguyên den pà [òk lơ\ nàng a` in ròng siam, ai pah ngai den a` lòt koh chi keo, chi xoan, pah ngai tơn siam bơh 3- 4 dơ\ hơ\ sồng lòt ê, ai gơ in lòt lik bơdìh. A` lơh ngan ròng siam sền gàr bòr be gơ in pràn kơldang hơ\ sồng deh kòn tai. Be dơ\ do mờr deh, kơno đơs là nhai 5 tus do den gơ deh”.

Bal mờ broă ròng be bơh bi Y Hăng Niê dê tàm [òn Ea Kmăt, broă lơh “Jàu pơyua nùs nhơm” bơh Cục Lơngăp lơngai Tây Nguyên dê dơ\ do gam lơh tai 4 broă lơh ròng kơnrồ tàm ală [òn làng bol kòn cau bơh xã Hoà Đông, kơnhoàl Krông Pach dê, mờ kờp jơh priă tă lơh là 150 tơlak. Bal mờ broă pà kòn sơntìl, mpồl do neh ai kuang bàng cau ling tus lơh wàng ròng, dong kờl phan sa [òk, bơto pơlam làng bol bơta chài ròng siam, sền gàr, rơcang sơndră kòp nàng be, kơnrồ kis dờng niam mờ rơ\ rài rlau.

Di tàm dơ\ do, Cục Lơngăp lơngai Tây Nguyên gam pà 15 nơm rơndeh coh ai ală kơnòm bơsram r[ah sơr lèt gan kal ke bơsram jak in, pà rlau 250 bơnah phan ai ală hìu r[ah, hìu bơnhă chính sách, cau kra [òn geh bơngă mờ ală cau geh cồng nha jak ngan tàm srơh jơh gùt làng bol sền gàr lơngăp lơngai dà lơgar. Di tàm dơ\ do, ală bác sĩ Hìu sơnơm 30-4 gam kham kòp mờ pà sơnơm, bơto pơlam sền gàr pràn kơldang să jan ờ sa priă ai rlau 700 nă làng bol r[ah in. Ồng Y Căl Êban, cau kra [òn Ea Kmăt, xã Hoà Đông, kơnhoàl Krông Pach, đơs:

“Bol a` sền go\ nùs nhơm bơh kuang àng dê gơ wèt mờ làng bol tam klac bal dùl nùs, jơnau do là geh bơta kuơ dờng màng ngan. Broă pà phan ai ală cau r[ah, ai ală kơnòm bơsram geh rài kis kal ke uă ngan in hơ\ là bơta pơn jờng nùs nhơm gơ wèt tus mờ làng bol bè bol a` do, tài bơh dà lơgar sền gròi uă ngan tus broă lơh tơn jơh jơgloh tơrmù r[ah ai ală hìu làng bol lơh broă sa tàm ù tiah xã Hoà Đông bol a` in”.

Ồng Hà Văn Luân, Phó kuang atbồ Kuang àng xã Hoà Đông, kơnhoàl Krông Pach, càr Daklak pà gi\t: mpồl kuang àng xã ờ mình lơh kơ nòl broă sền gàr lơngăp lơngai tàm tiah do lơm mờ gam jòi gi\t bơta gơlik geh tàm rài kis làng bol dê tai, nàng yal mờ cấp ủy, gơnoar atbồ tiah do geh broă dong kờl. Ală cau geh lơh broă lơh ròng phan tàm broă lơh “Jàu pơyua nùs nhơm” bơh Cục Lơngăp lơngai Tây Nguyên dê dơ\ do jơh ală ndrờm là hìu r[ah lơm. Do là phan pà geh kuơ ngan, dong làng bol sơr lèt gan kal ke lik klàs r[ah kơ\ kơl jăp. Ồng Hà Văn Luân, pà gi\t:

“Bè broă pơn jờng làng bol klàs bơh r[ah den geh broă ròng be mờ kơnrồ. Pa do, Cục Lơngăp lơngai Tây Nguyên neh tus tàm do dong kờl làng bol xã Hoà Đông. Đơs bal là làng bol chờ hờp ngan, iang nùs lơh sa, kơ\ kơl jăp rài kis, ờ geh bơta lơi kal ke. Kuang àng den geh broă rơndăp lơh lòt sền gròi sền sùm ngai kung bè mang den tàng rài kis tàm do lơngăp lơngai ngan. Pah nhai pơrjum kuang àng dùl dơ\, ală jơnau lùp bơh làng bol dê den tus tàm hìu làng bol pơndờm pơnđiang, rơcang sơndră ală cau lơh tìs”.

Broă lơh “Jàu pơyua nùs nhơm” tàm xã Hoà Đông, kơnhoàl Krông Pach, càr Daklak mìng là dùl tàm uă broă lơh sền gàr tơl niam rài kis mpồl bơtiàn bơh Cục Lơngăp lơngai Tây Nguyên dê tàm ală nam do. Mpồl do neh pà 6 nơm hìu bơta nđàc ai ală hìu bơnhă chính sách, hìu bơnhă kòn cau in, mơkung sùm bơyai lơh kham kòp mờ pà sơnơm ờ sa priă ai làng bol r[ah tàm tiah sar lơgar ngài in, còp mờ pà phan kơnòm bơsram kòn cau geh rài kis kal ke in, lơh broă dong làng bol lơh sa, kuơmàng là tàm ală broă lơh tam dră mờ trồ prang. Pah nam, mpồl do ndrờm lam sồr pà mhàm dong kờl cau ai hìu sơnơm càr Daklak in; pơgồp bal bơyai lơh broă lơh dơ\ sa piang ờ jơh priă pà cau kòp r[ah in. Broă lơh “Jàu pơyua nùs nhơm” neh tus jàu pà gi\t nđờ rhiang chi sơntìl, 9 nơm be, 8 nơm kơnrồ, dong ală hìu làng bol kòn cau lik klàs r[ah kơ\ kơl jăp. Đại tá Phan Văn Bảy, Phó Cục trưởng Cục lơngăp lơngai Tây Nguyên, pà git:

“Cục kung gam lam lơh sùm ală broă lơh nùs nhơm. Tàm pah nam pal lơh geh êt ngan là bơh rlau 3 dơ\ broă lơh geh kuơ. Mùl màl tàm nhai 6 tus do, den bol a` bơyai lơh tai dùl dơ\ lòt pà phan, kham mờ sơm kòp ờ sa priă ai dùl [òn làng bol kòn cau r[ah in tàm kơnhoàl Cư Mgar, càr Daklak. Kung tàm nhai 6, halà nhai 7 sơl, bol a` lơh broă lơh pà mhàm dong kờl cau mờ neh sồr lơh pah nam. Dơ\ do ai jơnau bơsram bơh ală nam lài geh mblàng yal uă rlau, gơ hòi gơ jà uă rlau cau tus pà mhàm dong kờl cau. Bol a` lam lơh broă do kung lơh ring bal tàm ală [òn mờ ờ go\ di mìng is dùl [òn lơi lơm ờ. Ală broă lơh do kung là nàng lơh geh rùp să muh mat kuang bàng cau ling lơngăp lơngai Tây Nguyên nùs nhơm mờ rềp mềl mờ làng bol tàm tiah lơh broă, nàng lơh gơs niam broă lơh ờs mờng geh Đảng mờ Dà lơgar jàu”!

Cau cih mờ yal tơngi\t- Lơ Mu K’ Yến