VOV4.K’ho – Drim òr, 9/12, tàm càr Gialai, Mpồl lơh broă sùm Ủy ban Mặt trận dà lơgar Việt Nam bơyai lơh pơrjum tàm jàu broă lơh mặt trận nam 2016 mpồl ală càr Tây Nguyên.

Tàm nam 2016, Ủy ban Mặt trận dà lơgar Việt Nam tàm ală càr Tây Nguyên neh bơtàu tơnguh mờ rề ơnàng mpồl tam klac dờng gùt làng bol, pơgồp bơnah tàm broă lơh jơh ală jơnau kờ` bơtàu tơnguh lơh sa mpồl bơtiàn tàm [òn lơgar. Bal mờ hơ\, Ủy ban Mặt trận dà lơgar ală càr kung lam sồr geh rlau 51 tơmàn priă dong kờl cau r[ah, lơh git nđờ rhiang nơm hìu “ 1 rbô priă” ai ală cau kal ke, dong kờl cau kra kis 1 nă să, cau kuet kơlte…, tă pơgồp rlau 8 tơmàn priă dong làng bol tiah tàm gùl lơgar gơtìp dà ko\ dà cò lơh aniai. Bal mờ hơ\, Ủy ban Mặt trận dà lơgar ală càr Tây Nguyên neh sền gròi tus broă cribơyai mờ lơgar ndai làng bol tàm ală kơnhoàl geh bal gùng nhàr lơgar mờ lơgar Lào, Campuchia. Ồng Lê Bá Trình, Phó kuang atbồ Ủy ban Mặt trận dà lơgar Việt Nam đơs: “ Ủy ban Mặt trận dà lơgar Việt Nam tàm ală kơnă neh mblàng yal, lam sồr làng bol ba` iat, ba` đòm ală jơnau ờ ngan, blac pơr lồm, pơn dờm pơn jồ làng bol lòt hờ lơgar ndai tìs mờ kơrnuat boh lam; mơkung bơt bơtàu gùng nhàr lơgar ngap lơngai, lơh bơyô, bơtàu tơnguh, lơh geh bơta ring lơngai tàm tiah do niam ngan. Broă lơh mặt trận nam 2016 tàm ală càr Tây Nguyên ngan ngồn neh pơgồp bơnah kuơ màng tàm kơnòl gàr kơ\ ngap lơngai chính trị, bơtàu tơnguh lơh sa mpồl bơtiàn, sền gàr dà lơgar - sền gàr ngap lơngai mờ broă lơh cribơyai mờ lơgar ndai tàm [òn lơgar”.