VOV4.K’ho – Ală nam do, Trung đoàn bộ binh 994 – Gah đơng lam ling klàng càr Daknông neh ngai sơlơ sơr lèt gan tơl kal ke, lơh jơh niam kơ nòl pơlam tàp cau ling kơnòm să tàm mpồl ling. Cồng nha bơh broă pơlam tàp cau ling pa nam do dê sơn đờm bơh uă bơta, tàm hơ\ geh bơta rềp mềl, git bơta kơp kờ`, nùs nhơm mờ bơ song niam broă lơh nùs nhơm ai ală cau ling pa in:

Tềng bơta duh rơ ồ bơh tơngai nhai prang dê tàm [làng pơlam tàp, ală cau ling kơnòm să tàm dơ\ rơwah mut ling nam do gam tơrgùm mut lơh ală jơnau pơlam tàp kuơ màng bè đội hình, đội ngũ tàm ling klàng. Ală cơnđoà lòt song gùng mờ ring, ală muh mat jù cèng bềng bơta pràn cau kơnòm să dê neh lơh [làng tàp tàm tiểu đoàn 301 sơlơ duh hồl nùs nhơm lơh ngan.

Tơnơ\ [ùi tàp, tàm lồi jiơ mho, ală cau ling kơnòm să rê wơl phòng đại đội he dê nàng pơrjum. Bulah dơ\ rơwah ling mìng pa rơp 2 nhai, mơya tơl phan ngui bè kho\, zep, ồi tơ\, kơmùng bic, àu mpha ndrờm geh ală cau ling ơn di bă tiah geh sồr mờ ring ngan. Binh nhì Nguyễn Kiêm Hoàng, đại đội 11, tiểu đoàn 301 yal, tơngai bơh sơn rờp, tơl bơta tàm mpồl ling ndrờm lơh bi ờ quèng ngan bơh tu\ jiơ sàu sa, bic ơm tus ală mờng quèng să tờm dê: “Bơh ngai sơn rờp a` neh pal lơh quèng mờ broă guh gờ`, 5 jiơ ndrim neh pal ơn lài jiơ nàng guh tàp pràn să jan, tơnơ\ hơ\ den tuh muh mat, sa drim. Sùm den tàm hìu 7 jiơ hơ\sồng a` guh bic, den tàng a` go\ gơ lơh ờ hềt quèng. Ngai sơn rờp den a` lơh ală bơta ờ hềt mhar, 5 jiơ ơn jiơ lài nàng duh gơ ya tus 5 jiơ 10 phút hơ\sồng a` gơtùi mù bơh jơ nờng. Lơu\ phan den ală bi tiểu đội trưởng mờ trung đội trường geh bơto a` in, mơya a` kung ờ huan kah uă, ală cau ling lơu\ mhar gơ ya a` den lơyaì rlau mờ khi.”

Binh nhì Hoàng A Làng, đại đội 9, tiểu đoàn 301 yal, bi mut ling tu\ pa bau 2 nhai, tơngai sơn rờp mut tàm mpồl ling, kah pơ ùr, kah hìu lơh bi A Làng ờ gơtùi pleh bơta moat jrùm, mơya geh bơta pơn dờm bơh oh mi tàm mpồl ling, bal mờ bơta kờ` gơboh pơyua bơh hìu nhă, bi Hoàng A Làng neh iang nùs pơlam tàp nàng lơh pơn rơ niam ai 2 nă oh dềt tàm hìu in. Binh nhì Hoàng A Làng đơs: “Bơh sơn rờp mut tàm mpồl ling den kah hìu, kah pơ ùr, tơnơ\ hơ\ den quèng mờ tiah kis tàm do den kung ờ huan moat jrùm tai. 2 nhă mut ling den pơ ùr mờ cau tờm lòt còp geh 1 dơ\, đơs bal kung kah hìu, gơ ya oh mi cau ling bal là bơta pơn jờng nàng he ờ huan kah hìu nhă.”

Tiểu đoàn 301 sùm đơng lam lơh niam broă bơto bơtê chính trị nùs nhơm; pơ gồp bal krà` cê đah pơlam tàp mờ bơto bơtê kơrnuat mpồl ling, đah hìu nhă mờ mpồl ling tàm broă pơlam tàp cau ling pa. Tơnơ\ mờ tu\ dờp cau ling pa, bal mờ broă mhar gàr kơ\ khà ling, anih ơm, Tiểu đoàn sền gròi tus broă lơh bè nùs nhơm, gàr niam ală cau ling pa in đal git loh kơnòl, iang nùs rềp mềl mờ mpồl ling. Pơgồp bal mờ bơto bơtê ờs mờng, mblàng yal, cồng nha pơlam tàp cau ling pa bơh nam lài dê nàng bơt bơtàu nùs nhơm lơh ngan, git kơnòl ai cau ling in. Thượng uý Y Liêm Niê, Trung đội trưởng đại đội 11, Tiểu đoàn 301 đơs: “Tơnơ\ rlau 2 nhai den jơh ală dờp geh bơta sền gròi, đơng lam bơh ală cấp uỷ dê, oh mi neh git ală bơta tàm mpồl ling, sền gròi nùs nhơm oh mi dê mờ bơyai lơh jat rơndap broă. Bơh hơ\ go\ là dơ\ do, pơlam tàp cau ling pa nam 2017 oh mi geh uă git wă mhar rlau, pơlam tàp lơh jat kơrnuat ling klàng mờ lơh jơh ală kơnòl geh jàu.”

Tiểu đoàn 301 geh gah đơng lam ling klàng càr Daknông jàu kơnòl dờng ngan hơ\ là pơlam tàp mờ rơcang lài tam lơh ai ală cau ling pa, cau ling nam 1 mờ nam 2 in. Bal mờ hơ\, Tiểu đoàn gam geh jàu kơnòl rơcang lài bơsong ală bơta gơlik geh gơ rềng tus ngap lơngai chính trị tàm càr tu\ Quân khu mờ Gha đơng lam jàu kơnòl. Đại uý Phạm Công Nam, chỉ huy trưởng Tiểu đoàn 301 đơs, tơ nơ\ mờ tu\ dờp mờ bơyai lơh pơlam tàp cau ling pa, tiểu đoàn neh tơmut uă nghị quyết tơngume dipal mờ ngan ngồn tàm broă lơh bơto bơtê den tàng cồng nha bơto bơtê geh tơnguh loh làng ngan jat ală tơngai: “Sền bal nam do geh uă tam gơl rlau tài geh đơng lam ală kơnă sền gròi bơh Gah đơng lam tus Trung đoàn sùm sền gròi nền nòn ngan. Bơngă đơng lam bơh kuang bàng tàm gùt mpồl ling dê neh ringbal rơcang lài niam ală bơta geh gơ rềng. Tu\ mut tàm broă pơlam tàp den di mờ rơndap broă pơlam tàp. Den tàng, cồng nha pơlam tàp ngai sơlơ bơtàu tơnguh rlau.”

Kờ` drơng niam jơnau kờ` ngai sơlơ uă bơh broă pơlam tàp cau ling pa, Trung đoàn bộ binh 994 – Gah đơng lam ling klàng càr Daknông neh geh uă mờng chài, broă lơh geh cồng nha. Trung tá Đỗ Anh Hào, Bí thư Đảng uỷ, Chính uỷ Trung đoàn 994 yal: Băng:

“Bơh nam 2015 rê hờ lài, pah nam bol a` pơlam tàp 2 dơ\ cau ling pa in, mơya bơh nam 2016 mìng gam 1 dơ\. Den tàng khà cau ling uă nga, broă gàr niam anih ơm, broă sàu sa là dùl bơta lòng dờng ngan tus mờ mpồl ling. Bol a` neh rơcang lài brồ guh bơngă bơh ală anih lơh broă, mpồl bal mờ ngan là mpồl kuang bàng ală kơnă bơh trung đoàn tus tiểu đội, sùm rềp mềl, pơn jờng cau ling pa, git nùs nhơm, bơta kơp kờ` oh mi dê nàng di tu\ pơn jờng. Bal mờ hơ\, kuang đơng lam ală kơnă sùm cribơyai mờ cấp uỷ mờ gơnoar atbồ tàm [òn lơgar, mờ hìu nhă cau ling nàng di tu\ pơn jờng nùs nhơm cau ling dê. Brồ guh bơngă bơh ală mpồl bal tàm Trung đoàn, bơyai lơh ală broă lơh, srơh duh hồl nàng gơ hòi gơ jà uă kuang bàng, đoàn viên ơruh pơnu tus bal.Bal mờ hơ\ là broă sền gròi ală [làng tàp geh tơl phan bơna, phan ngui drơng pơlam tàp in. Bol a` pin dờn là, broă pơlam tàp kuang bàng cau ling nam 2017 bơh Trung đoàn dê lơh geh cồng nha jat nghị quyết neh ai tơlik.”

                 Cau cih mờ yal tơnggit K’Duẩn