VOV4.K’ho - Bal mờ ala\ tiah ndai tàm càr Kon Tum, tu\ do broa\ lơh rcang pơrjum Đảng ala\ kơna\ tàm kơnhoàl Kon Braih, càr Kon Tum gam geh gah lơh broa\ sùm mpồl đơng lam đảng kơnhoàl mờ ala\ mpồl lơh broa\ Đảng bơyai lơh nhap nhar mut lơh di bơta ai lơh mờ tơngai jàu bơh mpồl đơng lam Đảng càr ai tơlik.

Tàm mpồl Đảng ntum Đak Tờ Re, kơnhòal Kon Braih, la mpồl geh mpồl đơng lam Đảng càr Kon Tum sac rơ wah bơyai lơh pơrjum lài, pồ tơn mpồl đơng lam Đảng, kuang atbồ mpồl đơng lam Đảng mờ kuang jat jơng atbồ mpồl đơng lam Đảng ntum, tus tu\ do ală broă lơh rơcang tus pơrjum neh lơh jơh. kờp tus ngai 25/1 pa do, jơh 19 mpồl duh broă Đảng di mpồl Đảng ntum neh lơh jơh pơrjum. Tu\ do, mpồl Đảng ntum Đak Tờ Re tơr gùm lơh sir jơnau yal gùng dră bal mờ rơndap lài bè mpồl cau lơh broă, lơh ngan lơh jơh broă bơyai lơh pơrjum tàm gùl `hai 3 tus do jat di mờ broă rơndap lơh. Ồng Võ Văn Lương, kuang atbồ đơng lam Đảng ntum Đak Tờ Re, kơnhòal Kon Braih pà git:“Mìng is bè broă lơh sră nggal, den ală sră nggal tu\ do là jơnau yal gùng dră bal, jơnau yal sền tìs di neh geh rơndap cih dơ\ 2. kuơ màng là ală rơndap cih jơnau yal gùng dră bal neh ai geh jơnau đơs tus bal tă pơ gồp bơh làng bol dê mờ ală kuang bàng là kuang bàng ntum bơh ală tơngai lơh broă tàm ntum, hơ\ sồng ală gah, mpồl lơh broă. mờ tu\ do, gam kơp tơr gùm jơh jơnau đơs tus bal tă pơ gồp bơh ală mpồl duh broă Đảng dê, mờ tu\ do gam tus bal tơn cih tàm jơnau yal gùng dră bal, nàng mpồl đơng lam Đảng tơrgùm, cih lài dơ\ 3 lài mờ tu\ yal mờ mpồl đơng lam Đảng kơnhòal, lơh broă sùm mpồl đơng lam Đảng kơnhòal sền sơ wì mờ ai jơnau đơs”.

Bơdìh mờ 2 mpồl duh broă Đảng geh càr Kon Tum rơ wah nàng bơyai lơh pơrjum lài, là mpồl Đảng ntum Đak Tờ Re mờ mpồl duh broă Đảng cơldu\ lơh broă bơto bơtê mờ bơsram mpồl đơng lam Đảng kơnhòal Kon Braih, kơn hòal kung neh rơ wah 3 mpồl Đảng nàng bơyai lơh pơrjum lài bơh mpồl đơng lam Đảng kơn hòal dê mờ digơlan lơh jơh pơrjum lài mờ ngai 20 `hai 3 tus do. Mò Trần Thị Nga kuang atbồ đơng lam Đảng kơnhòal Kon Braih đơs:“ Bơh broă lòt sền den bơh sơn rờp ală ntum, bòn drà mờ ală mpồl geh rơ wah lơh lài, kung neh rơcang tơl làm bè tơngume sră nggal jơnau yal gùng dră bal, jơnau yal sền tìs di mờ rơndap lài mpồl cau lơh broă, bơh sơn rờp neh geh rơcang tơl làm. Ală mpồl duh broă Đảng tàm bòn lơgar tus tu\ do neh geh 70 mpồl duh broă Đảng ntum tàm 106 mpồl duh broă Đảng ntum bơyai lơh jơh pơrjum. Jat rơndap broă, di tàm lồi `hai 1 pa do, bol a` lơh jơh broă đơng lam mờ bơyai lơh pơrjum bơh ală mpồl duh broă Đảng ntum dê.”

Tu\ do, bơdìh mờ broă chồl pràn pơr lòng jal mhar lơh geh cồng nha uă ngan rlau jơh nàng gờm chờ tơngkah 85 nam ngai crơng gơs Đảng Cộng Sàn Việt Nam, gờm chờ pơrjum Đảng ală kơnă, gàr niam broă lơh jơh ală khà ai tơlik bơh rơndap broă tàm tơngai lơh broă lài, mpồl đơng lam Đảng kơnhòal Kon Braih gam đơng lam ală mpồl Đảng, ală anih lơh broă, chồl pràn mblàng yal rơcang ală bơta pal geh kuơ màng nàng rơcang tus pơr jum. Ồng Võ Văn Lương kuang atbồ đơng lam Đảng ntum Đak Tờ Re, kơnhòal Kon Braih pà git:“ Bè broă lơh mblàng yal kung neh geh mut lơh bơh ngai 1/12 nam lài tàm ntum. Broă gàr tơl niam phan bơna den tu\ do kờp du\ lài neh ngan ngồn lơh jơh nàng yal ală anih lơh broă geh gơnuar sền sơ wì. Ai gàr niam ờ do ờ dă tàm dơ\ pơrjum, den tu\ do geh 2 mpồl kuang àng ntum neh bơt bơtàu jơh rơndap broă sền gàr lài mờ tu\, tàm tu\ mờ tơ nơ\ mờ tu\ pơrjum”.

Bè broă lơh tàm tơngai tus, mò Trần Thị Nga kuang atbồ đơng lam Đảng kơnhòal Kon Braih pà git:“ Tàm tơngai tus den lài ngan là bol a` tơr gùm đơng lam, pơnjat tai kờp sền ală khà  bơh kơrnuat pơrjum dơ\ 17 mpồl Đảng kơn hòal neh ai tơlik nàng pơnjat tai geh bơta đơng lam krà` cê rlau tus mờ ală broă lơh mờ bol a` ờ hềt gơtùi lơh geh. Dơ\ 2 là đơng lam ală mpồl lơh broă, tàm hơ\ geh mpồl cih sră nggal, mpồl cau lơh broă, mpồl bơyai lơh pơrjum, pơnjat tai kờp sền mờ mut lơh tai ală tơngume jat rơndap broă ai tơlik, kờ` gàr niam rơndap broă mờ tu\ tơngai. Dơ\ 3 là bơt bơtàu tơnguh ki\ tơngume cau lơh broă bơh ală mpồl duh broă Đảng di mpồl đơng lam Đảng kơn hòal. Dơ\ 4 tơ nơ\ mờ tu\ lơh jơh ală tơngume geh gơ rềng tus broă rơcang pơrjum ală kơnhòal dê, den bol a` geh rơcang sră nggal dăn jơnau đơs bơh lơh broă sùm mpồl đơng lam Đảng càr.”

Mpồl đơng lam Đảng kơnhòal Kon Braih kung neh sền gròi uă ngan, đơng lam ală ntum, bòn drà, ală mpồl lơh broă geh gơ rềng, sơ lơ tơnguh broă dờp git ală bơta gơlik geh tàm bòn lơgar, di tu\ bơ song ală bơta gơlik geh tàm bòn lơgar, sơ lơ tơnguh rlau tai broă sền gàr ngap lơngai, ờ do ờ dă mpồl bơtiàn, gàr niam broă bơyai lơh pơrjum Đảng ală kơnă tàm kơnhòal, lơh geh cồng nha uă mờ di mờ tơngai jat rơndap broă.

                                                         }au mblàng K’ Duẩn.