Do là rơndăp broă lơh dong kờl bơto pơlam broă lơh sa sươn sre Dà lơgar tơngai bơh nam 2022- 2024, geh lam lơh jăt broă lơh bơ̆t bơtàu broă lơh tơrlòng lài tam, sơngka sền gàr tờm chi sa plai “màk, sầu riêng, ƀơ, pơnăt) jăt tơl jơnau sồr VietGap dê, bal mờ bă ù ơnàng 220 lồ tàm 03 càr: Dăk Lăk, Dăk Nông mờ Gia Lai.

Tàm pơrjum, ală cau ala măt đơs là, bơh cồng nha niam ngan bơh rơndăp broă lơh dê, ală anih lơh broă ătbồ broă lơh sa sươn sre, gơnoar ătbồ ƀòn lơgar pal geh broă rơndăp lơh ai cồng nha do cih tàm sră pơ àr bơto pơlam, bơto sồr cau lơh sa lơh jăt ală broă pơlam lơh sa tam chi sa plai jăt tơl jơnau sồr VietGap dê nàng tơrmù ƀà bơta gơrềng ờ niam tus tiah ơm kis mờ lơh gơlik geh phan bơna niam sàng goh, geh lùp gĭt anih tờm lơh mờ lơh bal tăc bro phan bơna, pơgồp bơnah bơtàu tơngguh gah phan chi sa plai kơ̆ kơl jăp tàm tiah he dê.