Broă lơh tơrlòng lài geh lam lơh tàm sàh Krông Buk tàm bă ù mờr 150 lồ sầu riêng. Tàm hơ̆, Kông ty kong kơnòl nă să is broă lơh sa suơn sre ngui măi mok pa Hồng Thuận lơh tơrlòng lài bơsong lì bơkàu ờ di kàl tàm 15 lồ mờ neh tơt plai dơ̆ sơn rờp, kờp dŭ pik tơnhàu tàm nhai 3.

Jat cih dờp tàm suơn dờng, tờm sầu riêng nam dơ̆ 7 tơt bơh 25 tus 30 nơm plai, cồng nha lơh geh bơh 90 tus 110 kĭ tàm dùl tờm, ndrờm mờ mờr 12 tấn tàm 1 lồ. Tŭ do, giă sầu riêng ờ di kàl tac hờ lơgar ndai geh giă mờr 160 rbô đong dùl kĭ, jơnhua mờr 1 dơ̆ mờ nggùl pơndrờm mờ kàl tờm. Sền sơ wì tàm dơ̆ lòt sền, ồng Đỗ Hữu Duy đơs là, broă lơh sầu riêng ờ di kàl là gùng dà pal pơn jờng, pơgồp bơnah tơnguh cồng nha lơh sa, mờ kung tam pà wơl tŭ tơngai pik tơnhàu, tơrmù ƀà bơta kơn jơ̆ pơndiang mờ tac bro phan lơh gơs bơh suơn sre.