Do geh sền là broă kuơmàng nàng kờñ tă bơsong kal ke, tơnguh cồng nha ngui tơnau dơng dà Ia Mơr – broă lơh bơtơt rbòng dà geh bơta pràn dơng dà dờng ngan rlau jơh tiah Tây Nguyên. Rơndap broă lơh bơh Mpồl atbồ bơcri priă mờ bơt bơtàu bơtơt rbòng dà 7 lơh cau tờm bơcri priă. Sră nggal tam gơl jơnau kờñ ngui brê neh geh lơh jat jơnau cih bơh Adat tam sền gàr brê mờ ală jơnau lơh nền bơh Cíñ phủ geh gơ rềng dê; bal mờ hơ̆ cau tờm bơcri priă neh lơh gơs kơnòl tong priă tam brê ala jat jơnau sồr.

Broă gờñ lơh gơs ală rbòng sơnĕ geh kơp kơnờm rơp dong rề ơnàng bă ù ƀồm dà, ngui geh cồng nha tơnau dà Ia Mơr, pơgồp bơnah gàr tơl dà ai broă lơh sa suơn sre in mờ chồl tơnguh bơtàu tơnguh lơh sa – mpồl bơtiàn tiah đah mat tơngai lik càr Gia Lai.