Tàm Pơrjum bơdìh mờ broă sền wơl cồng nha tăc phe mờ lơgar bơdìh nam 2025, gùng dà broă đơng lam tăc phe mờ lơgar bơdìh bồ nam 2026, lơgar Philippines pơn jăt tai là drà blơi phe uă ngan lơgar Việt Nam dê, geh bơta uă rơlao 55% tàm khà phe tăc mờ lơgar bơdìh gùt lơgar dê, geh 711 rơbô 264 tấn, gơguh 30% pơn drờm mờ tŭ do nam 2025; Ơm dơ̆ bàr là drà kă bro lơgar Lo, geh di pơgăp 14% khà tăc phe mờ lơgar bơdìh lơgar Việt Nam dê, geh 178 rơbô 165 tấn, gơguh rơlao 143% pơn ndrờm mờ tŭ do tàm nam 2025.

Yal lài bơh nhai 3 tăc phe mờ lơgar bơdìh lơgar Việt Nam dê rơ̆p gơtìp gơrềng bal tài bơh tam lơh tàm Trung Đông, mờ priă tă pơn diang tàm lơgar gơguh bơh 20 rơbô tus 30 rơbô đong tàm 1 tấn phe; bơta kal ke tàm pơrlòng bơh ală lơgar tăc phe mờ lơgar bơdìh dờng bè lơgar Thái Lan, Ấn Độ, palistan; khà kòi phe geh uă tài kàl Lơh sa kàl prang 2025-2026 mŭt tàm tơngai tơnhào uă.