Pơrjum gơ hòi gơ jà bơta tus bal bơh gal ngan ala mat ală ƀộ, gah broă lơh dà lơgar, ƀòn lơgar, ală mpồl lơh broă, mpồl lơh sa kă bro mờ mpồl lơh broă bal lơh broă tàm gah lơh gơlik, tac hờ lơgar ndai sầu riêng. Tàm pơrjum, ală cau ala mat neh geh yal tơnggit lơh tơrlòng lài jòi git anih lơh gơlik; yal jơnau sồr tac sầu riêng tus drà lơgar Lo; mờ kung cribơyai bè ală broă lơh măi mok, atbồ tiah tam mờ lam lơh gơlik phan jat mpồl. Uă jơnau đơs bơh mpồl lơh sa kă bro, mpồl lơh broă bal tơrgùm tàm ală kal ke tàm tŭ lam lơh, ngan là bơta tơrbŏ bal yal tơngit jơnau mờ lơh jat jơnau sồr bơh drà blơi phan dê.

Ồng Nguyễn Văn Long, Lam bồ Vụ jak chài – măi mok, Ƀộ Broă lơh sa suơn sre mờ Tiah ơm kis đơs sùm, rơp pơn jat tai pơgồp bal nền nòn mờ ală tiah, mpồl lơh sa kă bro nàng lơh sir măi mok bơh bơta iat jơnau đơs ngan ngồn, ờ mìng lơh jat jơnau sồr atbồ mờ gam lơh gơlik bơta ƀuơn uă ngan rlau jơh ai cau lơh gơlik mờ tac hờ lơgar ndai in.