Rơndăp broă lơh lam lơh bơh nhai 3/2024 tus nhai 3/2026, mờ priă tă lơh mờr 1 tơmàn 900 tơlak đong bơh Broă lơh Bơtàu tơnguh Liên hợp quôk dê dong kờl bơh Kes priă tiah ơm kis gùt plai ù.

Tơnơ̆ 2 nam lam lơh, rơndap broă lơh neh sền sơ wì mờr 2 rơbô lồ brê mờ ù brê, sền sơ wì 150 hìu bơnhă làng bol, lơh 5 broă lơh tơrlòng lài lơh sa suơn sre – brê bơnơm pơgồp bal mờ bă ù ơnàng 2,5 lồ; lam lơh bơto pơlam, tàm jàu bơta chài măi mok lơh broă kơnhăp kơ̆, ngui biochar, bơh hơ̆ geh 80% hìu bơnhă làng bol hơ pơrgon ngui. Mơkung dong kờl rề ơnàng ală tour lòt nhơl mpồl bơtiàn tàm bòn Đung mờ ƀòn Tlong, rơhời tơng gơs broă lơh tơrlòng lơh sa pơgồp bal mờ sền gàr brê. Uă jơnau đơs đơs là, kờñ pal sơlơ tơnguh tai bơta lơh bal đah gơnoar atbồ, cau kơlôi sơnơng jak chài, mpồl lơh sa kă bro mờ mpồl bơtiàn nàng gàr sùm, lam lơh uă broă lơh geh cồng nha jŏ jòng.