Do là jơnau tơngit geh Ƀộ Broă lơh sa suơn sre mờ Tiah ơm kis bal mờ Ƀộ Kwang àng ai geh tàm Pơrjum lơh jăt broă was ù, lơh sră rùp ù tiah, dan cih măt ù tiah, lơh sră nggal ù tiah mờ lơh gơs tơngu me tờm anih yal tơngit dà lơgar bè ù tiah bơyai lơh tàm Hà Nội.

Jăt jơnau yal bơh Ƀộ Broă lơh sa suơn sre mờ Tiah ơm kis dê, broă lơh 90 ngai mang lơh pas, lơh kloh anih yal tơngit dà lơgar bè ù tiah geh Ƀộ Broă lơh sa suơn sre mờ Tiah ơm kis bal mờ Ƀộ Kwang àng lơh bơh ngai 1 nhai 9 tus ngai 30 nhai 11 nam 2025 neh ring bal mờ lơh kloh geh rơlao 62,49 tơlăk bă ù tàm gùt lơgar. Do là tơngu me jơnau yal tơngit “di, tơl, kloh, kis” nàng drơng tàm broă tam gơl sồ mờ atbồ ù tiah geh cồng nha. Ƀộ trưởng Ƀộ Broă lơh sa suơn sre mờ Tiah ơm kis ồng Trần Đức Thắng đơs là, broă lơh jăt broă was, lơh sră rùp ù tiah, dan cih măt ù tiah mờ lơh gơs tơngu me jơnau yal tơngit ù tiah là kơnòl cíñ trị tờm tàm broă tam gơl sồ dà lơgar dê, tàm hơ̆ uă ngan là tàm gah ù tiah.