Tơngai pa do, uă làng bol lơh broă sa tàm càr Dăk Lăk gam kơl rồ tờm kơphe, tiêu nàng tam tờm sầu riêng mờ bă ù ơnàng. Gah lơh sa suơn sre càr Dăk Lăk bơto sồr làng bol bañ rề ơnàng bă ù tam tờm sầu riêng nàng pleh mờ bơta rềs àr bè drà kă bro.

Sầu riêng gam là dùl tàm ală bơta phan tam cèng geh bơta kwơ tàm broă lơh sa uă tus mờ làng bol kis tàm càr Dăk Lăk dê. Gùt càr geh di pơgăp 15 rơbô 100 lồ mờ khà do gam gơguh mhar ngan. Kờp dŭ khà tơnhào geh tàm nam 2022 di pơgăp 170 rơbô tấn mờ tus nam 2025 là rơlao 300 rơbô tấn. Gah lơh sa suơn sre bơto sồr làng bol bañ lơh jăt khà priă geh mờ rề ơnàng bă ù tam tờm sầu riêng tàm tŭ do. Tŭ làng bol rề ơnàng is bă ù tam tờm sầu riêng mờ ờ geh broă pơgồp bal mờ lơh gơs phan nguoi sa, kă bro, den ƀuơn ngan gơtìp geh uă ir mờ jơnau kờñ.