Do là kơnhoàl dơ̆ 2 tàm càr Dăk Lăk dê tơnơ̆ mờ kơnhoàl Krông Păc geh ai sră dờp khà măt kă bro sầu riêng mpồl. Sầu riêng kơnhoàl Cư̆ Mgar geh Kụk Ngui bơta ngăc ngar gơwèt Ƀộ Khoa họk mờ Kông nghệ ai Sră dờp dan cih măt khà măt kă bro mpồl “Sầu riêng Cư̆ Mgar” ngai 10 nhai 07 nam 2023.

Sră dờp geh ngui tàm 10 nam kờp bơh ngai geh jào sră. Do là tơngu me adăt boh lam ai geh tơngu me nàng kơnhoàl Cư̆ Mgar pơn jăt tai bơtàu tơnguh khà măt kă bro mờ tơnguh uă bơta kwơ phan sầu riêng dê. Kơnhoàl Cư̆ Mgar geh rơlao 4 rơbô 100 lồ ù tam tờm sầu riêng. Bă ù ơñàng neh geh tơnhào 1 rơbô lồ, khà geh kờp dŭ 20 rơbô tấn. Tus tŭ do, kơnhoàl Cư̆ Mgar geh 13 mpồl lơh sa kă bro pơgồp bal lơh, pơlam bơta chài, blơi phan geh lơh mờ ală hợp ták xã, mpồl lơh broă bal mờ lơh gơs sră nggal 37 mã sồ tiah tam tờm sầu riêng mờ rơlao 830 lồ ù.