Jăt mờ hơ̆, tàm quý III mờ quý IV, mpồl kwang bàng sền gròi bơh Sở Lơh broă sa suơn sre mờ Bơtàu tơnguh Ƀòn lơgar càr Dăk Lăk geh tus sền ni sơna tàm hìu lơh broă mờ sền tàm mùl màl ală tiah tam, hìu dăp phan nàng drơng tàm broă tăc mờ lơgar bơdìh neh geh ai lơh, kĭ màh sồ; hìu lơh, kă bro phan geh lơh bơh plai chi (plai sầu riêng) gơwèt gơnoar broă atbồ Dà lơgar tàm càr dê.

Cau tus sền là ală mpồl lơh broă, cau dùl nă să geh dờp là cau tờm màh sồ ală tiah tam tờm sầu riêng. Tus tŭ do, Tổng kụk Hải quan lơgar Lo neh ai màh sồ tiah tam tờm sầu riêng mờ kờp jơh bă ù ơnàng rơlao 2 rơbô 500 lồ mờ ai màh sồ dăp phan ai 23 hìu dăp phan tàm càr Dăk Lăk in. Jăt Sở Lơh broă sa mờ Bơtàu tơnguh Ƀòn lơgar càr Dăk Lăk yal, broă tus sền do geh pơgồp bal tàm broă tơnguh uă kơnòl bơh ală gah lơh broă dê tàm broă bơ̆t bơtàu gah phan plai sầu riêng kơl jăp.