Jăt mờ hơ̆, tàm kàl lơh san 2023-2024, càr Kon Tum geh rề ơnàng tai mờr 900 lồ ù tam tào tơnguh bă ù tam tào càr dê tus rơlao 2 rơbô 100 lồ, uă rơlao di pơgăp 130 lồ pơn drờm mờ jơnau kờñ neh geh ai. Bă ù rề ơnàng tai tàm kàl lơh sa tus tơrgùm mìng tàm ù tiah ală kơnhoàl: Kon Plông, Sa Thầy, Đăk Tô, Kon Rẫy, Đăk Hà mờ Kon Tum.

Kàl lơh sa nam do càr Kon Tum geh rơlao 1 rơbô 200 lồ ù tam tào, tơrgùm mìng tàm ƀòn dờng Kon Tum mờ mờr 1 rơbô lồ, bă ù gam tai tàm ală kơnhoàl: Đăk Tô, Sa Thầy, Kon Rẫy, Đăk Hà, Ia H’Drai mờ Kon Plông. Tŭ do jơh ală bă ù tam tào bơh làng bol lơh broă sa càr Kon Tum geh Kông ty Lơh broă bal Sơdàng Kon Tum lơh broă pơgồp bal, dong kờl bal bơcri priă lơh mờ gàr lài priă blơi nàng gàr niam ai làng bol in geh priă cồng. Cồng nha tào pơn drờm bal tàm càr Kon Tum dê tŭ do geh pơgăp 73 tấn tàm 1 lồ mờ uă tiah kơnờm mờ ù niam, broă sơnka sền gàr di bơta chài den tàng cồng nha tơnhào tào geh bơh 100 tus 120 tấn tàm 1 lồ.