Cau lơh broă sa càr Gia Lai gam mŭt tàm kàl pik plai sầu riêng nam 2024. Jơh gùt càr tŭ do geh mờr 6 rbô lồ sầu riêng, tàm hơ̆ bă sầu riêng gơ ai sa geh tus pơgăp nggùl, uă ngan là tàm ală kơnhoàl, bè: Chư Prông, Ia Grai, Đăk Đoa, Chư Sê mờ Chư Pưh.

Càr neh lơh geh 16 màh sồ tiah tam sầu riêng mờ gam lơh sầu riêng gơgơs phan lơh geh bơh sươn sre pràn. Bulah sơrlèt gan tŭ tơngai jŏ jòng ro kơnrañ dờng ngan, mơya bal mờ bơta bơcri priă nền nòn, mờ sền gròi tus bơta chài, cau tam tờm sầu riêng tàm càr do kung gam geh sơl ală sươn sầu riêng mbòr plai. Mò Nguyễn Thị Lý, dồ nă cau blơi sầu riêng tàm kơnhoàl Chư Păh, càr Gia Lai pà git, nam do, plai sầu riêng tàm càr Gia Lai geh uă ngan mờ plai bơkah ngan den tàng gơhòi gơ jà uă cau kă phan tus blơi. Giă blơi sầu riêng Ri6 pơgăp bơh 55 tus 60 rbô đong dồ kĭ, ai plai sầu riêng Dona pơgăp bơh 65 rbô tus 70 rbô đong dồ kĭ.