Kơphê là dùl tàm ală phan tam tờm ngan bơh càr Lâm Đồng dê, mờ bă ù ơnàng rlau 170 rơbô lồ, tơrgùm uă ngan tàm ală kơnhoàl: Lâm Hà, Di Linh, Đức Trọng mờ Bảo Lâm. Nàng gàr niam mờ cèng wơl cồng nha lơh sa, cau lơh broă sa mờ gơnoar atbồ ală tiah càr dê gam lam lơh ală broă lơh rcang sơndră trồ prang dờng soăt dà.

Jat ồng Vũ Bá Yêu, Phó Kwang atbồ Phòng Nông nghiệp mờ Phát triển Nông thôn kơnhoàl Lâm Hà yal, trồ tiah tàm ù tiah kơnhoàl dê sơnđờm geh tềl tơngŏ ro kơnrañ, trồ tơngai duh, yal lài mŭt tàm tơngai prang dờng gam tus rềp, den tàng broă lơh rcang sơndră trồ prang dờng soăt dà geh mpồl lơh broă lam lơh lơh pràn. Kơnhoàl neh sồr, tam pà bal niam ală dà tuh; dơng geh dà tuh tàm ală tơnau dơng dà, bơtơ̆t rbòng dà mờ ală tơnau dà dềt tàm ù tiah càr dê nàng gàr niam broă dơng dà tuh dùl bă niam ngan rlau jơh.