Mờ tơngu me “Iăt làng bol lơh broă sa đơs” Cri bơyai Làng bol lơh broă sa Dà lơgar dơ̆ 09 nam 2024 ta pà bal, ai geh jơnau đơs, jơnau dan lơh sa suơn sre tơnơ̆ mìu càl rơbut dờng sồ 03, tàm hơ̆ uă ngan là dong kờl bè sơntìl phan tam, sơn tìl phan ròng, phan lơh broă sa suơn sre geh blơi nàng lơh, broă dong kờl sền gàr lơh sa suơn sre; lời ing dồs, tơmù dồs ngân hàng mờ ai càn priă sa priă cồng ờ uă nàng làng bol lơh broă sa mhar brồ guh wơl lơh sa.

Đơs tàm cri bơyai, Ƀộ trưởng Ƀộ Broă lơh sa mờ Bơtàu tơnguh Ƀòn lơgar ồng Lê Minh Hoan pà git, di lah gơtìp kal ke tàm broă lơh sa, làng bol lơh broă sa gơtùi cih jơnau yal tàm điện thoại tus Ƀộ trưởng mờ Ƀộ trưởng rơ̆p pơyoa mơ ală jơnau cih yal hơ̆ bơh làng bol lơh broă sa dê tus mờ kwang đơng lam ală càr, ƀòn dờng nàng di tŭ geh jơnau bơto sồr, bơsong ală kal ke, gơkòl.