Neh geh tai 14 phan bơna geh sền sơ wì tơl khà 4 sơrmañ, tơnguh khà phan OCOP bơh càr Dăk Lăk dê gơguh tus 254 phan. 14 phan tơl khà 4 sơmañ kâp càr geh: Socola să macca tàm dơlam, ƀòk ka kau ờ bơrlŭ bơh Kông ty đah jum Trường Sơn (kơnhoàl Krông Ana); phan gar macca tơdàng kơmhò, să tàm dơlam gar macca, să tàm dơlam gar macca sầu riêng, sầu riêng pơr bơh kông ty macca Dăk Lăk (ƀòn drà dờng Buôn Hồ); ală phan yến chưng bơh Kông ty Thành Dung (kơnhoàl Krông Pắk) mờ phan sầu riêng DONA lơh mrềt bơh Mpồl lơh broă bal broă lơh sa tơlir Krông Pắk.

Anih duh broă làng bol càr Dăk Lăk pà git, broă lơh OCOP gam ngai sơlơ gơ hòi gơ jà uă cau lơh broă sa, mpồl lơh sa kă bro, mpồl lơh broă bal tus bal, lơh gơlik bơta gơn kơnờm ai lơh sa tiah ƀòn lơgar in bơtàu tơnguh pràn kơldang, pơgồp bơnah tơnguh priă lơh geh phan bơkah ală tiah dê, tơnguh priă lơh geh ai cau lơh broă sa in.