Geh rơlao 200 nă kwang bàng tus bơh 120 mpồl ala măt cau tam pà phan, mpồl lơh sa kă bro blơi mờ tăc phan mờ lơgar bơdìh tàm lơgar, ală mpồl lơh sa kă bro, hợp ták xã lơh, lơh gơs phan, ai phan geh lơh bơh suơn sre, phan sa tàm ală càr Dăk Lăk, Dăk Nông, Long An, An Giang, Hậu Giang tus Pơrjum. Tàm pơrjum, ală kwang bàng neh yal bè bơta geh, bơta pràn bè ală phan geh lơh bơh suơn sre, bơta niam bơcri priă tàm broă lơh, lơh gơs phan mờ tăc ală phan geh lơh bơh suơn sre tờm càr dê.

Ồng Lưu Văn Khôi, Kwang atbồ Sở Kông Thương càr Dăk Lăk pà git, priă geh bơh broă tăc phan mờ lơgar bơdìh gùt càr nhai 8 nam 2023 geh 130 tơlăk dolar Mỹ. Tơrgùm priă geh tàm broă tăc phan mờ lơgar bơdìh 8 nhai nam 2023 kờp dŭ geh 1 tơmàn dolar Mỹ, gơmù 0,3% pơn drờm bal dùl tŭ mờ nam 2022, geh 64,4% broă rơndăp lơh geh ai tàm nam dê.