Jat Sở Broă lơh sa mờ Bơtàu tơnguh Ƀòn lơgar càr Dăk Lăk, nam do kòp jê ndul gơ jroh sur câu Phi tàm càr gơlik geh kal ke ngan. Tus nggùl nhai 11, kòp neh bơtờp tàm 233 hìu bơnhă, 120 thôn, 43 xã bơh 10 kơnhoàl, lơh chơ̆t mờ tơ̆p pơr gŭc rlau 2 rơbô 700 nơm mờ kờp jơh bơta kơn jơ̆ mờr 140 tấn.

Nàng sŏk sền kòp, Củ tịc Anih duh broă làng bol càr Dăk Lăk pa geh Kông điện sồr Anih duh broă làng bol ală kơnhoàl, ƀòn drà dơng, ƀòn dờng mờ Sở, gah broă geh gơrềng lam lơh kràñ cê jơh nùs, dồ ròt bal ală broă bơsong rcang lài kơryan kòp jê ndul gơ jroh sur câu Phi. Is ồn, Sở Broă lơh sa mờ Bơtàu tơnguh Ƀòn lơgar, jat sền ală bơta kòp, rcang lài sồr lơh, lam lơh ală broă lơh gàr niam tăc phan ngui sa lài, tàm tŭ mờ tơnơ̆ sa tềp Dà lơgar nam Ất Tỵ  2025.