Pơrlòng cau lơh broă sa jăk nam 2023 mờ broă tus bal bơh 6 mpồl ala măt bơh 6 càr: Sơn La, Kon Tum, Gia Lai, Dăk Lăk, Đăk Nông mờ Lâm Đồng. ală cau pơrlòng geh rơwah bơh ală tiah nàng rơwah ală mpồl làng bol lơh broă sa tam kơphe geh pơnrơ jăk ngan pơgồp bal tàm mang pơrlòng dŭt ndơl.

Mờ tơngu me “Tam kơphe ngăc ngar gơdờp mờ tam gơl trồ tiah”, ală cau pơrlòng geh sơrlèt mờ 4 bơnah pơrlòng: Cau lơh broă sa bơceh pa, cau lơh broă sa pơgồp bal, cau lơh broă sa ngăc ngar, cau lơh broă sa jăk. Bơh ală bơnah pơrlòng, ală cau pơrlòng neh tơlik gŏ jơnau git wă, bơta jăk chài, broă mờng chài mờ git wă bè ngui bơta gơguh jăk khoa họk kĩ thuật tàm broă lơh kơphe gơdờp mờ tam gơl trồ tiah bal mờ ală broă gơrềng bal tus mờ broă lơh, drà kă bro, pơgồp bal lơh, lơh geh sră dờp, lơh geh mờ tơnguh bơtàu broă pơgồp bal tàm gah phan kơphe lơgar Việt Nam dê.