Do là jơnau đơs nền mờ jơnau dan bơh Anih duh broă làng bol càr Gia Lai dê tàm dơ̆ lơh broă mờ Ƀộ Broă lơh sa mờ bơtàu tơnguh Ƀòn lơgar bồ nhai 08 nam 2024 pa do. Anih duh broă làng bol càr Gia Lai sền gĭt, broă bơcri priă lơh bơtơ̆t dà tih là kờñ pal geh, tài bơh nam 2012 tŭ Hìu măi pờ tơlik ồs đèng dà An Khê - Kang Nák mut lơh broă, dà dờng Ba gơtìp tàm gơl hiòng hòr tus dà dờng Kôn hòr tus càr Bình Định, lơh uă ngan bă ù lơh sa suơn sre tàm An Khê gơtìp ờ tơl dà. Khà dà lòt gan ƀòn drà dờng An Khê gam ờ hềt tus 4 khối dồ jơi (4m3/s) tàm kàl prang den soăt jơh dà, bàr pe gơl dà gơ kờn wơl gơtìp bơ̆ bơl.

Ồng Đặng Quốc Hoài Huy- Phó Củ tịc Anih duh broă làng bol ƀòn drà dờng An Khê đơs nền, broă ờ tơl dà, bơ̆ bơl tiah ơm kis rơ̆p geh tă bơsong dilah ală bơtơ̆t dà tàm dà dờng Ba gờñ geh lơh.