Jat khà kờp bơh sơn rờp, kờp tus klò ngai ngai 23/7, gùt kơnhoàl Lăk geh mờr 1 rbô 200 lồ kòi sre mờ phan tam ală bơta gơtìp ngơr bam tàm dà. Làng bol neh di tŭ ntrờn kòi phe, phan bơna tus ală tiah jơnhua rơ sơh, lơngăp lơngai nàng rơcang lài pleh dà kŏ dà cò dờng. 

Ồng Võ Anh Tú, Phó Củ tịc Anih duh broă làng bol kơnhoàl Lăk, càr Dăk Lăk pà git, kơnhoàl neh sồr ală cơldŭ lơh broă, mpồl, anih lơh broă, ală tiah jat sền broă gơlik geh bơh mìu dà kŏ dà cò, lơh jat niam jơnau đơs 4 tơn tàm dùl anih, ai bơta lơngăp lơngai làng bol dê là bơta lài ngan tàm broă lơh rơcang lài pleh mờ trồ tiah lơh aniai.