Drim ngai 16/08, Sở Khoa họk mờ Kông nghệ càr Kon Tum bơyai lơh jàu Kơrnoăt bè broă pà Sră cơng tàng gơnoar ngui sơñio yal ù tiah “Ngọc Linh” ai phan bơna kơnuh sơnơm ai 2 kông ty tàm ù tiah càr dê in.

Do là dơ̆ sơnrờp, càr Kon Tum pà sră cơng tàng do gơ wèt mờ phan bơna kơnuh sơnơm Ngọc Linh. Jăt mờ hơ̆, Kông ty Bơcri priă bal Kơnuh sơnơm Ngọc Linh Kon Tum geh pà sră cơng tàng gơnoar ngui sơñio yal ù tiah “Ngọc Linh” ai 10 rbô kơnuh sơnơm rlau 10 nam in. Tiah tam kơnuh sơnơm Ngọc Linh bơh kông ty do dê là sươn 3, bă 2, tiah dềt 220 gơ wèt ù tiah xã Măng Ri, kơnhoàl Tu Mơ Rông. Gơ wèt mờ Kông ty Bơcri priă bal Kơnuh sơnơm Ngọc Linh Tu Mơ Rông Kon Tum, Sở Khoa học mờ Kông nghệ càr Kon Tum jàu kơrnoăt bè broă pà sră cơng tàng gơnoar ngui sơñio yal ù tiah “Ngọc Linh” ai 2 rbô 200 phan bơna kơnuh sơnom rlau 6 sơnam in. Tiah tam kơnuh sơnơm Ngọc Linh tàm sươn 17b, bă 5, tiah dềt 227 thôn Mo Za, xã Ngọc Lây, kơnhoàl Tu Mơ Rông.