Gùt kơnhoàl geh pơgap 500 lồ phan tam ờ tơl dà tuh, tàm hơ̆ uă ngan là tờm kơphê. Tŭ do ală tơnau dơng dà, bơtơ̆t rbòng dà tàm ù tiah kơnhoàl dê neh ờ gam dà nàng tam pà dà tai den làng bol pal lòt jòi is, tam pà bal dà ờ hoan geh ngan bơh ală tơnau dà ngài ngan nàng tuh suơn kơphê in.

 Bơta trồ duh nisơna mờ ờ tơl dà tuh neh lơh uă bă ù tam kơphê tàm kơnhoàl Đăk Hà gơtìp ro nha; plai bơnung mờ ntê gơtìp ro. Hoàc huơr kơn jơ̆ ngan rlau jơh gơwèt mờ bă ù  kơphê pa tam tus gĭt nđờ rơhiang lồ bơh Kông ty Kơphê Đăk Uy mờ bơh làng bol xã Hà Mòn dê. Bal mờ priă tă sơng ka sền gàr gơguh uă, tơnhào gơmù, dơ̆ trồ tơngai duh nisơna mờ bơta trồ prang dờng soăt dà jŏ jòng gam lời wơl jơnau gơbàn ờ niam jŏ jòng gơwèt mờ tờm kơphê. Gơwèt mờ ală suơn kơphê dềt pa tam bơta pràn sơndră wơl ờ pràn den rơyas gơtìp aniai. Rơyas gơtìp aniai den ală bơta bơsềt, kòp aniai tàm rơyas lơh tờm chi chơ̆t.