Cau tam sầu riêng kơnhoàl Krông Păc, cau tờm bơh broă lơh chờ gam geh ală broă lơh mùl màl nàng wèt tus lơh chờ. Làng bol ờ mìng sền gàr nền nòn nàng plai sầu riêng geh bơta bơkah niam ngan, mờ gam ai geh tai ù tiah tơlir mrềt niam, tŭ lơi kung rơcang jà cau năc lòt nhơl sa plai sầu riêng ờ sa priă.

Lơh chờ sầu riêng Krông Păc geh ală broă lơh tìp bal bè: Ngai chờ niam chài ală jơi bơtiàn, Lơh chờ tàm gùng ƀòn, Drà tăc plai chi, phan geh lơh bơh broă lơh sa suơn sre krơi is, hìu tăc ală bơta phan OCOP… Bơh broă lơh chờ do kờñ tơrbŏ bal, yal bè bơta geh, bơta pràn, bơta niam bơcri priă tàm lơh sa, lơh gơs mờ tăc plai sầu riêng pơgồp bal mờ bơtàu tơnguh bơta niam chài, lòt nhơl kơnhoàl do dê.