Dơ̆ lơh chờ rơ̆p geh bơyai lơh bơh ngai 31 nhai 08 tus ngai 02 nhai 09, geh 12 broă lơh tờm. Mờ bơta rcang jơh nùs, mhar ngan bơh ală mpồl lơh broă geh gơrềng dê, tus tŭ do, ală broă lơh ai dơ̆ lơh chờ dê geh bơyai lơh di mờ tŭ tơngai. Dùl tàm ală broă lơh tờm là Dơ̆ sơnđờm mut lơh (geh lơh tàm mang ngai 31 nhai 08) kung gam gơ jal ngan lơh sir ală broă lơh dŭt ndơl. Tơnơ̆ bơnah lơh dơ̆ sơnđờm mut lơh là broă lơh đơs crih tam ya mờ bơta tus bal bơyai lơh bơh rlau 400 nă cau đơs crih tam ya dê. Bơh broă lơh ràng tơlik bơh yau pơgồp bal mờ bơta pa tŭ do rơ̆p mblàng yal jơnau yal bè ù tiah Krông Pách geh uă bơta ƀuơn bơta pràn.

Tàm Dơ̆ lơh chờ Sầu riêng Krông Pách dơ̆ do, uă broă lơh sền gĭt lời ai làng bol mờ năc lòt nhơl in geh lơh uă bè broă lơh, bè: dơ̆ lơh chờ gùng drà, tàm pơrlòng ntoăt tài bơta pràn kơl dang să jan, ngai chờ niam chài phan sa ală jơi bơtiàn... Tàm hơ̆, broă lơh bơyai lơh đơs crih tam ya dà niam geh uă cau kơ̆p gơn ngan, mờ bơta jòng 60 phuk pah mang, bơyai lơh đơs crih tam ya pơgồp bal mờ dà lơh geh ală bơta gùng đơs crih tam ya, rùp rài uă bơta niam ngan.