Cồng nha do pơgồp bal tàm broă ai tơngŏ bơngă mờ bơta kwơ bơh kơphe Robusta bơkah lơgar Việt Nam dê tơnơ̆ 6 nam lơh tàm bơnah broă kấp dờng. Dơ̆ pơrlòng “Cup Odjeta Swan 2024” là broă rơwah kơphe Robusta gùt plai ù sơnrờp ngan.

Jăt ồng Trịnh Đức Minh, Củ tịc Mpồl tam klăc Kơphe Buôn Ma Thuột yal, Dơ̆ pơrlòng Cup Odjeta Swan 2024 neh lơh geh dùl ƀlàng nhơl ndrờm bal mờ song dơ pă nàng jờng rơ ală phan kơphe Robusta jăk ngan in. Bơta geh cồng nha bơh ală mpồl lơh sa kă bro dê ờ mìng là nùs nhơm pơnyờ să bơh măt kă bro dê mờ là cơng tàng pà gŏ bơta bơkah mờ bơta pràn dờng màng bơh kơphe Robusta bơkah lơgar Việt Nam dê tàm ală drà kă bro pa, tàm hơ̆ geh drà kă bro lơgar Lo.