Tơngai bơh nam 2021–2025, càr Lâm Đồng tơrgùm bơta pràn, tàm bơrlŭ bal broă lơh sơnđờm mut lơh broă tàm ală broă lơh jak chài măi mok mờ tam gơl sồ. Broă tus bal do neh gơ hòi gơ jà rlau 1 rơbô 600 jơnau kơlôi sơnơng, rơndăp broă lơh tus bal pơrlòng tàm ală kấp. Cồng nha, 170 rơndăp broă lơh geh dờp kấp càr, tơrgùm tàm ală gah tờm bè broă lơh sa suơn sre măi mok pa, lơh gơlik phan lơh geh bơh broă lơh sa suơn sre mờ lòt nhơl drơng broă. Uă broă lơh pơn rơ ngan ala mat càr Lâm Đồng tus bal mờ lơh geh khà jờng tàm ală tiah pơrlòng sơnđờm mut lơh broă kấp kơnhoàl ù tiah mờ dà lơgar.

Ồng Võ Thành Công, Kwang Lam bồ Sờh Jak chài mờ Măi mok càr Lâm Đồng pà gĭt, ală broă lơh sơnđờm mut lơh broă mờ dong kờl sơnđờm mut lơh broă tàm càr gam geh lơh li la uă mhar ngan.