Jăt mờ hơ̆, Mpồl lơh broă dong kờl tơm bơtơl hoàc huơr tàm mpồl kơnrồ dà toh gơtìp kòp jê ndul gơjroh bơh broă cit vaccine as tềng kơltao pơnời tàm càr Lâm Đồng geh 12 nă cau.

Mpồl lơh broă do geh kơnòl sền wơl, kờp, kơlôi sơnơng, lơh rơcang lài gùng dà broă tơm bơtơl, dong kờl hoàc huơr mờ pơgồp bal mờ Kông ty kổ phần Sơnơm Phan ròng Dà lơgar Navetco lơh jăt broă tơm bơtơl, dong kờl hoàc huơr tàm mpồl kơnrồ gơtìp kòp tơnơ̆ mờ tŭ cit vaccine NAVET- LPVAC tàm càr Lâm Đồng di jăt jơnau geh ai tàm adăt boh lam dê. Kờp tus tŭ do, càr Lâm Đồng geh rơlao 6 rơbô 400 nơm kơrnồ gơtìp kòp jê ndul gơjroh, tàm hơ̆ geh 348 nơm gơtìp chơ̆t tơnơ̆ mờ tŭ cit vaccine as kơltao pơnời bơh Kông ty Navetco dê.