Pơrjum geh broă tus bal bơh rơlao 150 nă cau ala măt là ala măt ală anih lơh broă atbồ dà lơgar, mpồl tam klăc gah broă mờ mpồl lơh sa kă bro. Tàm Pơrjum cri bơyai, ală cau ala măt neh tơrgùm tàm ală jơnau đơs tờm bè “lơh măt măt kă bro”, do là jơnau kal ke bơh gah kòi phe lơgar Việt Nam dê, bơ̆t bơtàu măt kă bro dà lơgar ai phe lơgar Việt Nam in “Bơta lòng mờ bơta niam”.

Bơdìh hơ̆ tai, ală cau jăk gah lơh sa suơn sre, ală mpồl lơh sa kă bro lơh mờ kă bro bơh gah kòi phe kung neh geh uă jơnau pơgồp bal, ală broă lơh nàng bơ̆t bơtàu geh cồng nha măt kă bro dà lơgar ai phe lơgar Việt Nam in. Jơnau kờñ bơh Pơrjum cri bơyai dê là ai geh dùl dơ̆ cri bơyai pờ, hòi jà broă tus bal niam bơh ală cau jăk geh pơnrơ ngan, ală mpồl lơh sa kă bro mờ ală cau atbồ neh geh uă broă lơh mờng chài, nàng ai geh ală jơnau đơs mùl màl, pơgồp bal tàm broă bơ̆t bơtàu măt kă bro phe lơgar Việt Nam ngai sơlơ pràn kơl dang tàm drà kă bro ală lơgar dê.