Jăt cồng nha yal bơta geh ngan tŭ do brê nam 2023 bơh ală càr tiah Tây Nguyên dê; kờp jơh bă ù geh brê tiah Tây Nguyên dê rlau 2 tơlak 500 rbô lồ; tàm hơ̆, brê geh is mờr 2 tơlak 100 rbô lồ, geh tus 81%, brê tam mờr 500 rbô lồ, geh tus 19%. Tiah Tây Nguyên geh mờr 13 rbô cau tờm brê là hìu bơnhă, cau dồ nă să is, mpồl bơtiàn làng bol ƀòn lơgar, ătbồ rlau 127 rbô lồ.

Đơng lam Pơrjum, Kwang ătbồ Kụk Sền gàr brê ồng Bùi Chính Nghĩa pà gĭt, broă kờp sền brê là cơng tàng nàng lơh jăt broă jăt sền broă gơlik geh bơh brê dê mờ ù brê pah nam mờ broă lơh rơndăp ù tiah, broă rơndăp lơh sền gàr brê, bơtàu tơngguh brê bơh Dà lơgar tus ƀòn lơgar. Mơkung yal tơnggĭt jơnau drơng ai broă lơh jàu brê in gơ jăt bal mờ jàu ù brê mờ lơh cơng tàng lơh jăt broă lơh tă tơm priă drơng broă ù tiah  brê. Broă kờp sền brê neh geh Cíñ phủ sồr pal lơh sir tàm nam 2025, den tàng bè hơ̆, ală tiah rơ̆p ờ gŏ di bơyai tai mờ pal tơngguh rlau tai tàm broă sồr lơh, lam lơh broă lơh kờp sền brê.