Bơh nam 2017 tus tŭ do, Viện Wasi bal mờ Kông ty kổ phần phơng sih Bìñ Điền neh lơ geh 23 jơnau kơlôi sơnơng, ai geh 5 bơta phan tam tờm ngan bơh Tây Nguyên dê là: kơphe, tiêu, sầu riêng, ƀơ, biăp mờ tơngời. Bơh ală broă lơh tơrlòng lài, làng bol lơh broă sa neh git broă lơh, gùng dà broă lơh sa suơn sre tềm pềr mờ đềt mềr tiah kis.

Bơh tŭ hơ̆, pơgồp bal tàm broă tơnguh cồng nha lơh sa, lơh geh uă bơta ală jơnau kơlôi sơnơng mờ jào cồng nha kơlôi sơnơng bơh viện Wasi dê tus mờ làng bol lơh broă sa... Tàm pơrjum, Viện Wasi, Kông ty kổ phần phơng sih Bìñ điền, Anih bơto pơlam broă lơh sa suơn sre Dà lơgar neh kĭ hơ bal jơnau ring bal, lơh broă bal tơnguh bơtàu broă lơh “Tam kơphe ngăc ngar gơdờp mờ tam gơl trồ tiah tàm tiah Tây Nguyên” tus nam 2025. Jơnau kờñ là geh bơto ờ uă ngan 1 rơbô nă làng bol lơh broă sa in tàm tơl càr Tây Nguyên bè jơnau git wă lơh sa ai tơl càr in; Kơlôi sơnơng tơnguh bơtàu gùng dà broă lơh phơng sih di pal mờ bơta kờñ ù tiah, pơgồp bal lơh kơphe kơl jăp, tơnguh bơta kwơ, tơnguh priă geh ai làng bol bal mờ mpồl lơh sa kă bro kơphe in.