Mùl màl tàm lơgar he tŭ do broă ờ tơl ală tiah mờng tam kòi uă; lơh broă bal ờ hềt nền nòn đah cau tam kòi mờ hợp ták xã, mpồl lơh sa kă bro; ală broă lơh tam kòi ờ hềt kơ̆ kơljap. Ală jơnau tàm lùp tàm dơ̆ pơrjum đơs là, broă ngui măi mok ring bal, geh tŭ 2, 3 bơnah broă pal lơh is pal geh ngui tàm broă lơh gơlik kòi phe. Pal lơh niam bơ tơt rbòng dà, lơh niam phan bơna, ròt bơta kuơ lơh geh tàm broă pơndiang, lơh gơlik mờ yal tơnggit phan lơh gơs bơh suơn sre.

Thứ trưởng Ƀộ Nông nghiệp mờ Phát triển Nông thôn ồng Trần Thanh Nam pà git: “Rơndap broă lơh 1 tơlak lồ kòi mìng tam kòi geh bơta niam uă gơ jat bal mờ gơguh lơh sa tơlir” rơp yal Cíñ phủ in tàm tơngai tus geh kuơ dờng màng ngan tàm broă tam gơl bồ tơngoh kơlôi sơnơng bơh lơh suơn sre gơs lơh sa suơn sre, tơnguh bơta niam, lơh gơlik bơta kuơ gơguh uă mờ bơtàu tơnguh lơh sa suơn sre kơ̆ kơljap.