Bă ù tam rơpung kài nam 2024 tàm kơnhoàl Chư Prông di pơgăp 300 lồ tàm ală xã Ia Piơr, Ia Lâu mờ Ia Mơr, mìng làng bol tus bơh ală càr Bình Định, Phú Yên, Quảng Ngãi tus ơpah ù nàng tam.

Tus tŭ do, ală làng bol dê neh thào geh di pơgăp 150 lồ, geh uă bă ù gam tai tam jơla nàng tăc di tàm satềp. Tài trồ tiah gơtìp tam gơl ni sơna, geh uă mìu sơr neh lơh uă suơn tam rơpung kài gơtìp ồm, lơh ờ gơtùi tơnhào. Tŭ do, priă tăc plai rơpung kài gơmù uă ngan, lơh uă làng bol lơh broă sa gơtìp tàm bơta kal ke. Uă làng bol lơh broă sa tơnơ̆ mờ tŭ tă git nđờ rơhiang tơlăk đong, tŭ do ờ geh dùl đong lơi mờ pal kong gơtìp dồs uă tai. Geh cau sơbì suơn, cau ndai lơh ngan tơnhào nàng geh priă tơm priă ơpah ù.