Jat hơ̆, Ƀộ Nông nghiệp mờ Phát triển Nông thôn sồr Ủy ƀan Ñân zân ală càr, ƀòn dờng tàm gùt lơgar sơlơ tơnguh mblàng yal, bơto bơtê, tơnguh uă bơta gĭt wă bè gơnoar broă, bơta kwơ, gơtha bơh broă tam tờm chi, lơh gơlik brê; pơndờm pơnđiang ală kấp, ală ngàñ mờ làng bol lơh ngan tus bal tam tờm chi, tam brê, lơh jat ală jơnau sồr bơh Adat boh lam bè bre bơnơm dê, pơgồp bơnah sền gàr tiah ơm kis brê bơnơm, tơrmù ƀà trồ tiah lơh aniai, gơ dờp mờ tam gơl trồ tiah.

Ală càr, ƀòn dờng bơyai lơh lam lơh dùl ròt bal, geh cồng nha ală jơnau sồr pal lơh jat, broă lơh tàm gah brê bơnơm; tơngume, kơnòl broă mờ gùng dà broă lơh lơh jat Broă lơh kwơ màng bơtàu tơnguh brê bơnơm Việt Nam tơngai bơh nam 2021-2030, rơndap broă lơh tus nam 2050. Tơnơ̆ tŭ lơh jat “Sa tềp tam tờm chi” ală tiah lam cau lòt sền, sền sơ wì, ai jơnau mờng chài, jờng rơ pà khà jờng di tŭ ală mpồl, cau dùl nă să is pơn rơ jak geh broă lơh niam mờ bơcreh pa in.