Tàm pơrjum, ală kwang bàng đơs là, bơtàu tơnguh khoa họk kông nghệ mờ tam gơl pa bơceh pa gah lơh sa suơn sre pal tam gơl bồ tơngoh kơlôi sơnơng bơh ală broă dềt. Tơnguh uă bơta tă pơgồp bơh khoa họk, kông nghệ mờ tam gơl pa bơceh pa tàm broă gơguh lơh sa gah lơh sa suơn sre bơh ală broă lơh kơlôi sơnơng, tàm jàu mờ mŭt ngui. Ƀộ geh jơnau kờñ tus nam 2030, tă pơgồp bơh cồng nha ală bơta tơrgùm bal tàm gơguh lơh sa gah lơh sa suơn sre ơm tàm khà rlau 50%.

 Jat Thứ trưởng Ƀộ Nông nghiệp mờ Phát triển Nông thôn ồng Phùng Đức Tiến, Khoa họk kông nghệ geh gơnoar broă kwơ màng mờ lơh nền tàm broă gơguh lơh sa bơh gah lơh sa suơn sre dê mờ priă lơh geh bơh tăc phan mờ lơgar ndai gah lơh sa suơn sre, phan brê bơnơm mờ phan tàm dà tơngai pa do. Lơh ngan ngồn broă lơh kwơ màng, ală mpồl lơh broă gơwèt Ƀộ kung bè ală Viện, hìu bơsram pal gĭt loh mờ lơh ngan ngồn mờ broă lơh tàm gah broă bơh he dê atbồ.